Ноҳияи Темурмалик дар арафаи таҷлили 25-солагии Истиқлолияти давлатӣ соҳиби Қасри фарҳанг мегардад

Душанбе, 02.08.2016.  /АМИТ «Ховар»/.  Бахшида ба 25-солагии Истиқлолияти давлатии Ҷумҳурии Тоҷикистон дар ноҳияи Темурмалик   Қасри фарҳанг бунёд мегардад.
Бино Қасри фарҳанг аз ду ошёна иборат буда, сохтмони он аз ҷониби Вазорати фарҳанги Ҷумҳурии Тоҷикистон  роҳандозӣ шудааст.
Ба иттилои масъулини Мақомоти иҷроияи ҳокимияти давлатии ноҳия, то ин муддат дар ноҳияи Темурмалик Қасри фарҳанг, Хонаи маданият  ва театр мавҷуд набуд.
Ҳоло  қисми асосии корҳои сохтмонӣ ба охир расида, корҳои ободонӣ ва кабудизоркунии гирду атроф, ороиш ва рангубори саҳни бино, насби 400 курсӣ дар толор, ҷиҳозонидани саҳна ва утоқҳои корӣ ҷараён доранд.