Озмуни «Маҳсулот ва хизматрасонии беҳтарин дар Ҷумҳурии Тоҷикистон» ҷамъбаст гардид
Душанбе, 27.08.2016/АМИТ «Ховар»/. Дар арафаи ҷашни 25 солагии Истиқлолияти давлатии Ҷумҳурии Тоҷикистон дар Душанбе дар маросими ботантана озмуни «Маҳсулот ва хизматрасонии беҳтарин дар Ҷумҳурии Тоҷикистон» ҷамъбаст гардида, ба дипломантҳо ва ғолибони он ҷоиза супорида шуд.
Озмуни мазкур бо ибтикори Агентии «Тоҷикстандарт» бо мақсади рушди соҳибкорӣ дар кишвар, баланд бардоштани иқтидори содиротӣ, рақобатпазирии маҳсулот ва муаррифии хизматрасонии беҳтарин дар ду давра гузаронида шуд.
Дар даври аввали озмун, ки дар шаҳру вилоятҳо баргузор гардид, 160 корхонаю ширкатҳо ва ҷамъиятҳои саҳҳомӣ маҳсулоти беҳтарини худро пешкаш намуда, ҷойҳои намоёнро дар якчанд номгӯй соҳиб гардиданд. Ба даври ниҳоии озмун маҳсулоти 128 корхонаю ширкатҳои кишвар ҷойҳои сазоворро касб намуда, дипломант ва ғолибони озмун эътироф шуданд. Озмун аз рӯи номгӯи маҳсулоти озуқаворӣ, саноатӣ ва маснуоти ҳунарҳои халқӣ, таъиноти истеҳсолию техникӣ ва хизматрасонии нуқтаҳои фурӯши сӯзишворӣ ва меҳмонхонаҳо гузаронида шуд.
Бояд тазаккур дод, ки Агентии стандартизатсияи, метрология, сертификатсия ва нозироти савдои назди Ҳукумати Ҷумҳурии Тоҷикистон ҳамчун мақомоти марказии идоракунии ҳокимияти давлатӣ масъалаҳои сифат, бехатарии молу маҳсулот, кору хизматрасониро таҳти назорат қарор дода, дар рушди бемайлони соҳибкории хурду миёна, баланд бардоштани сифати маҳсулот, ҳифзи бозори истеъмолии кишвар, дар таъмини истифода ва риояи қоидаҳои савдо ва системаи ченаки ягона дар кишвар нақши муассир мегузорад.
Дар ноҳияи Рашт соҳили дарёи Сурхобро мустаҳкам карданд
Дар шаҳри Душанбе ҳавои камабри бебориш дар назар аст
Илму маориф ва рушди сармояи инсонӣ — дар меҳвари Паёми Президенти Тоҷикистон ба Маҷлиси Олӣ
Имрӯз дар Тоҷикистон ҳаво тағйирёбандаи бебориш мешавад
Аз байн бурдани коррупсия омили пешрафти ҳар давлат аст
ҲХДТ ба вакилии Маҷлиси намояндагон дар ҳавзаи интихоботии якмандатии Ҳамадонӣ, №35 номзад пешбарӣ намуд
Имрӯз дар баъзе ноҳияҳои Тоҷикистон туман мефарояд
Аз ҳавзаи якмандатии Исфара, №20 номзад ба вакилии Маҷлиси намояндагони Маҷлиси Олии Ҷумҳурии Тоҷикистон пешбарӣ гардид
Бозорҳо, хатсайрҳо, терминалҳо: МегаФон Тоҷикистон шабакаи толорҳои алоқаи худро васеъ намуд
ҲХДТ дар ҳавзаи интихоботии якмандатии Муъминобод, №38 номзад пешниҳод намуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Мулоқоти сеҷонибаи сарвазирони Тоҷикистон, Узбекистон ва Қирғизистон баргузор гардид
