Паҳлавони фаронсавӣ чемпиони олимпӣ дар риштаи дзюдо гардид
Душанбе, 15.08.2016. /АМИТ «Ховар»/. Паҳлавони шинохтаи фаронсавӣ Теди Ринер дар вазни бештар аз 100 кило дар сабқати дзюдо миёни мардон соҳиби медали тиллои олимпӣ гардид. Дар ин бора ба АМИТ «Ховар» аз Кумитаи миллии олимпии Тоҷикистон хабар доданд. Теди Ринер, варзишгари фаронсавӣ, ки 140 килограмм вазн дорад, дар рақобати ниҳоӣ бо паҳлавони ҷопонӣ Ҳисаёси Ҳарасава пирӯз гардид. Дар ин рақобат варзишгари ҷопонӣ ду огоҳӣ ва варзишгари фаронсавӣ танҳо як огоҳӣ гирифта буд. Бинобар ин ғолибият насиби Теди Ринер шуд. Ин дуюмин медали тиллои олимпии варзишгари фаронсавӣ мебошад, зеро ӯ дар олимпиадаи Лондон-2012 низ дар ҳамин вазан ҷойи аввалро гирифта буд. Медалҳои биринҷӣ дар ин вазн аз они Рафаэл Силве, варзишгари Бразилия ва Абдулло Тангриев аз Узбекистон гардиданд.
Бояд зикр кард, ки паҳлавони маъруфи тоҷик Муҳаммадмурод Абдураҳмонов дар қувваозмоии нахустинаш дар мусобиқаи дзюдо аз рӯи барномаи Бозиҳои XXXI тобистонаи олимпии Рио-де-Жанейро аз рақибаш Алекс Гарсиа Мендоза аз Куба шикаст хӯрда, аз идомаи рақобат маҳрум шуда буд. Ёдовар мешавем, ки варзишгарони фаронсавӣ то кунун дар олимпиадаи Рио-де-Жанейро дар риштаи дзюдо ду медали тилло, ду нуқра ва як биринҷиро ба даст овардаанд.
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
