Парвандаи имоме, ки аз терроризм ошкоро пуштибонӣ мекунад, баррасӣ мегардад
Душанбе, 05.08.2016. /АМИТ «Ховар» /. Суди ҳарбии Қафқози Шимолӣ парвандаи имоми масҷиди Доғистон Магомеднабӣ Магомедовро, ки дар пуштибонии ошкорои терроризм гумонбар дониста мешавад, баррасӣ менамояд.
Дар ин бора РИА «Новости» бо истинод ба гузориши намояндаи хадамоти матбуотии суд Алёна Каткало иттилоъ медиҳад.
Бино ба тафтишоти пешакӣ, моҳи феврали соли 2016 дар Хасавюртаи Ҷумҳурии Доғистон Магомедов, имоми масҷиди «Шарқӣ» дар ҷамъи гурӯҳи одамон бо баромадҳои пуштибонӣ аз терроризм, ҳамчунин даъватҳои таҳқиромез дар муносибат бо мазҳабҳои дигар ошкоро баромад кардааст. Илова бар ин, имом нисбат ба намояндагони ҳукумат ва кормандони мақомоти ҳифзи ҳуқуқ нафрати худро баён намудааст. Ба гуфтаи Каткало парвандаи ҷиноӣ аз тарафи суд ба таври умумӣ баррасӣ мешавад ва айбдоршавандаро то 10 соли маҳрумият аз озодӣ таҳдид мекунад.
Имрӯз дар водиҳои Тоҷикистон ҳаво то 35 дараҷа гарм мешавад
Дар хоҷагиҳои шаҳри Ҳисор ҷамъоварии ҳосили пахта оғоз гардид
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
