Роҳу усулҳои пешгирӣ намудани омилҳои коррупсионӣ шарҳ дода шуд

Душанбе, 05.08.2016. /АМИТ «Ховар»/. Дар Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон вохӯрии кормандони Агентии назорати давлатии молиявӣ ва мубориза бо коррупсияи Ҷумҳурии Тоҷикистон  бо кормандони ин идора доир гардид
Тавре аз Агентии суғуртаи иҷтимоӣ ва нафақа хабар доданд, дар вохӯрӣ муҳтавои Қонуни Ҷумҳурии Тоҷикистон «Дар бораи мубориза бар зидди коррупсия»,  «Стратегияи муқовимат бо коррупсия дар Ҷумҳурии Тоҷикистон барои солҳои 2013-2020», мафҳуми муқовимат бо коррупсия, роҳу усулҳои пешгирӣ намудани омилҳои коррупсионӣ, дарки амиқи зарару оқибати ногувори он, мубориза бар зидди тасарруфи маблағҳои буҷетӣ, сӯиистифода аз мансаб ва тамаъҷӯию дигар омилҳои коррупсионӣ шарҳу тавзеҳ дода шуданд.
Зикр гардид, ки мубориза бо коррупсия кори дастаҷамъона буда, самаранокии муқовимат ба он аз иштироки фаъоли тамоми шохаҳои ҳокимияти давлатӣ дар ҳамоҳангсозӣ бо ҷомеаи шаҳрвандӣ натиҷаҳои дилхоҳ  дода, пеши роҳи ин амалҳои номатлуб гирифта мешавад.