«Садранги чакан»- озмуни ҳунарҳои мардумӣ дар шаҳри Кӯлоб

Кӯлоб, 16.08.2016. /АМИТ «Ховар»/. Имрӯз дар боғи марказии  фарҳангию фароғатии  шаҳри  Кӯлоб  бахшида ба 25-солагии Истиқлолияти Ҷумҳурии Тоҷикистон озмуни  вилоятии  намоиши  ҳунарҳои   мардумӣ, аз ҷумла «Заргари  беҳтарин», «Дӯзандаи беҳтарин», «Атласу адрасбофи беҳтарин» ва «Садранги чакан» баргузор шуд. Дар озмун ҳунармандони  25  шаҳру ноҳия ширкат варзида, намунаи ҳунарҳои худро ба намоиш гузоштанд ва тарзи дӯхтани  либосро ба аъзои ҳакамон пешниҳод карданд.
Мақсад аз гузаронидани озмун-  эҳёи  анъанаҳои  мардумӣ, ҷалби занону  духтарони хонанишин  ба дӯхтани либосҳои миллӣ  ва муаррифӣ намудани  мероси  пурғановати гузаштагон мебошад.
Ғолибони озмун бо туҳфаҳои  хотиравӣ  сарфароз гардонида шуданд.