Сафири Эрон ташаббусҳои Сарвари давлати Тоҷикистонро муҳим арзёбӣ намуд

Август 11, 2016 09:59

Душанбе, 11.08.2016./АМИТ «Ховар»/. Сафири фавқулодда ва мухтори Ҷумҳурии Исломии Эрон Ҳуҷҷатуллоҳ Фағонӣ дар ҳошияи Симпозиуми байналмилалии  сатҳи баланд оид ба Ҳадафи шашуми рушти устувор, ки таҳти унвони «Таъмини дастрасии умум ба об ва беҳдошт» дар шаҳри Душанбе идома дорад, обро маводе номид, ки аҳамияти он дар ҷаҳон рӯз ба рӯз меафзояд ва «арзишаш дар оянда аз нафт ҳам бештар мешавад». Дар ин бора агентии иттилоотии «Форс» хабар додааст.
АИ «Форс» ҳамчунин бо истинод ба суханони Фағонӣ навиштааст: «Яке аз меҳварҳое, ки Тоҷикистон метавонад бо бархе аз кишварҳои минтақа, монанди Эрон ва кишварҳои арабӣ ҳамкорӣ кунад, меҳвари об мебошад». Сафири Эрон бо ишора ба захираҳои оби Тоҷикистон гуфтааст: «Ин зарфият вуҷуд дорад, ки рӯзе лӯлаи интиқоли об аз Душанбе ба Теҳрон ва  лӯлаҳои интиқоли энержӣ дар масири билъакс роҳандозӣ шаванд». Ӯ афзудааст, ки лоиҳаҳое дар ин замина мавҷуданд ва изҳори умед кардааст, ки рӯзе бо талошҳои ду кишвар, яъне Тоҷикистону Эрон ин лоиҳаҳо мавриди татбиқи амалӣ хоҳанд гирифт.
Ҳуҷҷатуллоҳ Фағонӣ дар поении суҳбаташ чунин иброз доштааст: «Ташаббусҳои муҳтарам Эмомалӣ Раҳмон аз қабили Даҳсолаи «Об барои ҳаёт» ва Даҳсолаи «Об барои рушди устувор», ки аз ҷониби СММ ва ҷомеаи ҷаҳонӣ дастгирӣ ёфтаанд, бисёр муҳиманд ва ин ташаббусҳо боиси он гардиданд, ки ба захираҳои оби Тоҷикистон дар сатҳи ҷаҳонӣ таваҷҷуҳ зоҳир карда шавад, чун  ин кишвар манобеи оби ширин дар ҷаҳон мебошад».
Хотиррасон менамоем, ки Симпозиуми байналмилалии сатҳи баланд оид ба Ҳадафи шашуми рушди устувор таҳти унвони «Таъмини дастрасии умум ба об ва беҳдошт», ки 9 август дар шаҳри Душанбе ба кори худ шурӯъ карда буд, имрӯз ҷамъбаст мешавад.

Август 11, 2016 09:59

Хабарҳои дигари ин бахш

МАСЛИҲАТИ МУТАХАССИС. Барои фоиданокӣ қаламфури булғориро бе коркард, дар шакли тару тоза истифода баред
Дар шаҳри Бӯстон сохтмони корхонаи муосири забҳи парранда идома дорад
Имрӯз дар Тоҷикистон чангу ғубор ба амал меояд
Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Фаъолияти иҷтимоӣ ва фарҳангӣ яке аз воситаҳои муассири таҳкими ваҳдати миллӣ мебошад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб
Имрӯз дар Тоҷикистон ҳаво то 37 дараҷа гарм мешавад
Дар Вазорати адлия бахшида ба Рӯзи Ваҳдати миллӣ ҳамоиши идона доир гардид
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши тантанавӣ доир шуд
Кормандони Корхонаи воҳиди давлатии «Роҳи оҳани Тоҷикистон» Рӯзи Ваҳдати миллиро таҷлил намуданд