Шерхон Салимзода: «422 кг 100 гр маводи нашъаовар мусодира гардид»

Душанбе, 04.08.2016. /АМИТ «Ховар»/. «Дар нимаи аввали соли равон аз ҷониби Агентии назорати маводи нашъаовари назди Президенти Ҷумҳурии Тоҷикистон 422 кг 100 гр маводи нашъаовар дарёфт гардид. Аз ин миқдор маводи нашъаовар 406 кг 100 гр дар ҳудуди ҷумҳурӣ ва 16 кг дар ҳудуди Афғонистон мусодира карда шуд»,- гуфт Шерхон Салимзода, директори Агентии назорати маводи нашъаовари назди Президенти Ҷумҳурии Тоҷикистон имрӯз, 4 август зимни нишасти хабарӣ.
Шерхон Салимзода илова намуд, ки вобаста ба муомилоти ғайриқонунии маводи нашъаовар 60 ҳолати ҳуқуқвайронкунии маъмурӣ ошкор карда шуд  ва ин дар муқоиса ба ҳамин давраи соли гузашта 2,1 маротиба зиёд мебошад.
Ба маълумоти роҳбари Агентӣ инчунин дар ҳудуди Афғонистон 45 литр прекурсори навъи сиркои ангидрид, ки барои тайёр кардани маводи нашъаовари навъи героин истифода бурда мешавад, дарёфт ва мусодира карда шуд.