Симона Байлс чемпиони секаратаи олимпӣ шуд

Душанбе,16.08.2016./АМИТ «Ховар»/. Варзишгари амрикоӣ Симона Байлс чемпиони секаратаи Бозиҳои олимпӣ оид ба гимнастика гардид. Дар ин бора  ба АМИТ «Ховар» аз Кумитаи  миллии олимпии  Тоҷикистон  хабар доданд.
Дар мусобиқаи мазкур Симона 15,966 имтиёз ба даст овард. Қаблан Симона дар сабқатҳои гурӯҳию инфиродӣ низ аз намуди варзиши бисёрҳарба пирӯзӣ ба даст оварда буд. Нишони нуқраи олимпӣ насиби бонуи гимнастбози Русия Мария Пасека гардид. Маҷмӯи имтиёзҳои Мария 15,253 ададро ташкил дод.
Ёдовар мешавем, ки зинаи сеюмро гимнастбози шведсарӣ Ҷулиа Стайнгрубер бо 15,216 имтиёз ишғол намуд.