Соҳибкорони тоҷику афғон масъалаҳои тавсеаи ҳамкориро баррасӣ менамоянд

Душанбе, 10.08.2016. /АМИТ «Ховар»/.  Таҳкими ҳамкории иқтисодию тиҷоратии Тоҷикистону Афғонистон  дар доираи баргузории мизи мудаввар, ки таҳти унвони  «Имкониятҳои тиҷоратӣ  байни  Тоҷикистон ва Афғонистон» ҳафтаи оянда дар Душанбе доир мегардад, баррасӣ мешавад.
Интизор меравад, ки  дар ин чорабинӣ доираҳои тиҷоратии Тоҷикистону Афғонистон, намояндагони вазорату идораҳои марбутаи Тоҷикистон ширкат намуда, масъалаҳои марбут ба  тақвияти ҳамкорӣ  байни соҳибкорони ду кишвари ҳамҷавор ва аз байн бурдани баъзе мушкилоте, ки дар рушди равобити иқтисодию тиҷоратии Тоҷикистону Афғонистон монеа эҷод мекунанд,  баррасӣ мегарданд.