Суғд: Дастаи мунтахаби «Душанбе-1» ғолиби нахустин Мусобиқаи ҷумҳуриявӣ оид ба волейболи соҳилӣ гардид

Август 1, 2016 15:05

Хуҷанд, 01.08.2016. /АМИТ «Ховар»/.  Дар маркази вилояти Суғд, шаҳри Хуҷанд аввалин Мусобиқаи ҷумҳуриявӣ оид ба волейболи соҳилӣ  баргузор гардид.
Дар мусобиқа, ки дар кишварамон бори нахуст ин намуди бозии олимпӣ ташкил ва гузаронида шуд, 12 даста ширкат варзиданд.
Тавре ба хабарнигори АМИТ «Ховар»  мудири бахши ҷавонон, варзиш ва сайёҳии шаҳри Хуҷанд Бахтиёр Исматҷонов иттилоъ дод, ин мусобиқа байни дастаҳои мардон ва бонувон аз 29 то 31 июли соли равон   доир гардид.
Мақсад аз ташкил намудани ин мусобиқа тарғибу ташвиқи волейболи соҳилӣ байни мардон ва бонувон, мустаҳкам намудани дӯстӣ байни варзишгарон ва ҳамзамон муайян намудани узви дастаи мунтахаби Ҷумҳурии Тоҷикистон ба ҳисоб меравад.
Дар мусобиқа ду даста аз вилояти Суғд, 2 даста аз вилояти Хатлон, 2 даста аз шаҳри Душанбе ва як даста аз Вилояти Мухтори Кӯҳистони Бадахшон, ҷамъ 22 нафар варзишгарон (8 нафарашон бонувон) иштирок намуданд.
Аз рӯи холҳои бадастоварда  байни бонувон аввалин дастаи ғолиби Мусобиқаи ҷумҳуриявӣ оид ба намуди волейболи соҳилӣ дастаи «Душанбе-1», соҳиби ҷойҳои дуввум ва саввум  «Суғд-1» ва «Хатлон» гардиданд.
Дар байни дастаҳои мардона низ ҷои аввал насиби волейболбозони дастаи мунтахаби «Душанбе-1» гардид. Дастаҳои «Хатлон-1» ва ВМКБ  соҳиби медалҳои нуқраву биринҷӣ гардиданд.

 

Август 1, 2016 15:05

Хабарҳои дигари ин бахш

АЗ ДИРАФШИ КОВИЁНӢ ТО ПАРЧАМИ ДАВЛАТӢ. Мулоҳизаҳо доир ба оини парчамдории тоҷикон дар масири таърих
Имрӯз дар водиҳои Тоҷикистон хаво 24 дараҷа гарм мешавад
Дар Ваҳдат Фестивали намоиш – фурӯши чорвои зотӣ баргузор гардид
Дар Душанбе ҳамоиши ҷавонони соҳаи геология баргузор гардид
Имрӯз дар ноҳияҳои алоҳидаи кӯҳии Тоҷикистон борон ва барф меборад
Имрӯз дар водиҳои Тоҷикистон ҳаво то 18 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад