Табрик мекунем! Дастаи мунтахаби наврасони Тоҷикистон соҳиби медали нуқраи Ҷоми Президенти Қазоқистон гардид

Август 12, 2016 19:12

Душанбе, 12.08.2016. /АМИТ «Ховар»/. Дастаи мунтахаби наврасони Тоҷикистон оид ба футбол (то синни 16 сола) соҳиби медали нуқраи Ҷоми Президенти Қазоқситон гардид.
Тавре ба АМИТ «Ховар» аз ФФТ хабар доданд, дастпарварони Зайниддин Раҳимов дар дидори ниҳоии мусобиқа ба соҳибони майдон, дастаи мунтахаби наврасони Қазоқситон бо ҳисоби 1:2 шикаст хӯрданд.
Ёдовар мешавем, ки аз се рақобати марҳилаи гурӯҳӣ дастаи мунтахаби наврасони кишвар дар дутоаш бо ҳисоби 6:0 бар Русия-2 ва  бо ҳисоби 2:1 бар Эрон пирӯз омада, дидори 3-юмро бо дастаи Озарбойҷон мусовӣ анҷом дод. Ҳамин тариқ бо гирифтани 7 хол ба дастпарварони Зайниддин Раҳимов дар гурӯҳи «В» ҷойи аввалро ишғол карда, ба даври ниҳоӣ роҳ ёфтанд.
Маблағи ҷоизавии Ҷоми Президенти Қазоқистон 15 ҳазор доллари ИМА мебошад. Ба ғолиби мусобиқа ба ғайр аз ҷом, ҳамчунин маблағ дар ҳаҷми 7 ҳазор доллари ИМА тақдим карда мешавад. Дастаи мақоми дуюмро ишғолкарда бо 5 ҳазор ва дастаи ҷойи сеюм бо 3 ҳазор доллари ИМА мукофотонида мешаванд.

Август 12, 2016 19:12

Хабарҳои дигари ин бахш

ҶОМИ ҶАҲОН-2026. Дастаи мунтахаби наврасони Тоҷикистон (U-17) дастаи Кубаро мағлуб кард
Дар Хуҷанд чемпионати ҷумҳуриявӣ оид ба шиноварӣ ҷамъбаст гардид
«PANDA CUP 2026». Дастаи мунтахаби ҷавонони Тоҷикистон (U-20) бо дастаи Чин мусовӣ бозӣ кард
Дастаи мунтахаби Тоҷикистон оид ба футбол ба финали Кing’s Сup 2026» баромад
Аъзои дастаи мунтахаби наврасони Тоҷикистон (U-17) бар ҳамсолонашон аз Фиҷи пирӯз шуданд
«KING’S CUP 2026». Имрӯз дастаи мунтахаби Тоҷикистон дар даври нимниҳоии мусобиқа бо тими яккачини Умон бозӣ мекунад
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд