Таъйини ҷазо барои зӯроварӣ нисбат ба кормандони милиса

Душанбе, 18.08.2016 /АМИТ «Ховар»/. Т.М. Танибеков ва Г.А. Саидбеков,  сокинони деҳаи Тишори ҷамоати деҳоти Поршиневи ноҳияи Шуғнони ВМКБ  дар назди бинои ШВКД дар ноҳияи мазкур  тартиботи ҷамъиятиро вайрон намуда,  кормандони милитсия Ф. Ё. Давлатов ва дигаронро, ки  дар ҳолати иҷрои вазифаи хизматӣ қарор доштанд, таҳқир намуда,   нисбат ба  онҳо зӯроварӣ кардаанд.
Тавре ки аз маркази матбуоти Прокуратураи  генералии Ҷумҳурии Тоҷикистон иттилоъ доданд, барои ин кирдор нисбат ба  Т. М. Танибеков ва Г. А. Саидбеков аз ҷониби прокурори ноҳияи Шуғнон бо моддаҳои 237,  қисми 2, бандҳои «б, в» (авбошӣ аз ҷониби гурӯҳи ашхос бо нишон додани муқобилият ба намояндаи ҳокимият)  ва 328,  қисми 2  (истифодаи зӯроварӣ ббада муқобили намояндаи ҳокимият)   Кодекси ҷиноятии  Ҷумҳурии Тоҷикистон парвандаи ҷиноятӣ оғоз гардида,  номбурдагон дастгир  шуданд.
Парвандаи ҷиноятӣ баъди анҷоми тафтишот ба суд ирсол  гардида, бо ҳукми суд  гунаҳкорон  маҳкум  шуданд.