Теъдоди муҳоҷирони меҳнатӣ 9 фоиз кам шудааст

Август 16, 2016 08:54

 Душанбе, 16.08.2016 /АМИТ «Ховар»/. Дар 7 моҳи соли равон 348 ҳазору 267 нафар шаҳрвандони ҷумҳурӣ ба муҳоҷирати меҳнатӣ ба хориҷи кишвар сафар намуданд, ки ин нисбат ба ҳамин давраи соли гузашта 9 фоиз кам мебошад. Аз ин шумора қариб 47 ҳазор нафарро занҳо ташкил медиҳанд.
Бино ба маълумоти  сармутахассиси Шуъбаи таҳлил ва маълумотдиҳии Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон  Рухшона Ёрмамадова, дар айни замон ба минтақаҳои гуногуни Федератсияи Русия 340 ҳазору 971 нафар,  ба ҷумҳурии Қазоқистон  7 ҳазору 296 нафар шаҳрвандони мамлакат ба муҳоҷирати меҳнатӣ сафар намудаанд.
Дар 7 моҳи соли ҷорӣ ба хориҷи кишвар бо корҳои шахсӣ, тиҷорат, саёҳат, сафари хизматӣ ва таҳсил 396 ҳазору 373 нафар шаҳрвандони мамлакат сафар намудаанд, ки  нисбат ба ҳамин давраи соли гузашта 11 фоиз кам мебошад.
Дар ин муддат аз муҳоҷирати меҳнатӣ ба ватан 193 ҳазору 768 нафар сокинони ҷумҳурӣ баргаштанд, ки нисбат ба ҳамин давраи соли гузашта 10 фоиз кам мебошад. Аз он 35 ҳазору 800 нафарро занҳо ташкил медиҳад.
Бояд гуфт, ки баҳисобгирии рафти  шаҳрвандон ба хориҷа ва бозгашт аз он дар асоси қарори Ҳукумати Ҷумҳурии Тоҷикистон аз 1 августи соли 2008 амалӣ карда мешавад.

Август 16, 2016 08:54

Хабарҳои дигари ин бахш

АЗ ДИРАФШИ КОВИЁНӢ ТО ПАРЧАМИ ДАВЛАТӢ. Мулоҳизаҳо доир ба оини парчамдории тоҷикон дар масири таърих
Имрӯз дар водиҳои Тоҷикистон хаво 24 дараҷа гарм мешавад
Дар Ваҳдат Фестивали намоиш – фурӯши чорвои зотӣ баргузор гардид
Дар Душанбе ҳамоиши ҷавонони соҳаи геология баргузор гардид
Имрӯз дар ноҳияҳои алоҳидаи кӯҳии Тоҷикистон борон ва барф меборад
Имрӯз дар водиҳои Тоҷикистон ҳаво то 18 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад