Тоҷикистон ҷонибдори ҳамгироии иқтисодии минтақавӣ мебошад
Душанбе, 04.08.2016. /АМИТ «Ховар»/. Нимаи дуюми рӯзи 3 август дар бинои Палатаи савдои ИМА бо иштироки вазирони корҳои хориҷии кишварҳои Осиёи Марказӣ ва доираи васеи соҳибкорони ИМА мизи мудаввари тиҷоратӣ дар мавзӯи «Рушди имкониятҳо дар минтақаи Осиёи Марказӣ» баргузор гардид.
Дар ҳамоиш ҳамкории минтақавии иқтисодӣ, ҷалби сармояи мустақими ИМА ба минтақаи Осиёи Марказӣ, бартараф намудани монеаҳо ва рушди тиҷорат дар Осиёи Марказӣ муҳокима гардиданд.
Роҳбари ҳайати Ҷумҳурии Тоҷикистон, вазири корҳои хориҷӣ Сироҷидин Аслов доир ба се ҳадафи стратегии кишвар суханронӣ намуда, иброз дошт: «Тоҷикистон ҷонибдори ҳамгироии иқтисодии минтақавӣ, рушди тиҷорат дар минтақа бо истифода аз зарфиятҳои мавҷудбуда мебошад».
Таъкид гардид, ки Тоҷикистон таъмини пешрафти соҳаи соҳибкориро яке аз самтҳои афзалиятноки сиёсати иқтисодии худ муайян намуда, барои фароҳам овардани муҳити солими сармоягузорӣ тамоми чораҳоро андешида истодааст.
Имрӯз дар водиҳои Тоҷикистон ҳаво то 35 дараҷа гарм мешавад
Дар хоҷагиҳои шаҳри Ҳисор ҷамъоварии ҳосили пахта оғоз гардид
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
