Тоҷикистон тавассути иқдомҳои наҷибонаи Пешвои миллат муҳтарам Эмомалӣ Раҳмон дар сатҳи ҷаҳонӣ обрӯю нуфузи зиёд пайдо кард

Август 9, 2016 16:51

Душанбе, 09.08.2016. /АМИТ «Ховар»/. «Маълум аст,  ки Тоҷикистон тавассути иқдомҳои наҷибонаи Асосгузори сулҳу Ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  дар сатҳи ҷаҳонӣ обрӯю нуфузи зиёд пайдо кард. Имрӯз зимни маросими ифтитоҳи Симпозиуми байналмилалии сатҳи баланд оид ба Ҳадафи шашуми рушди устувор  «Таъмини дастрасии ҳамагонӣ ба об ва беҳдошт» меҳмонон чандин маротиба ин нуқтаро таъкид намуданд»,- гуфт Султон Раҳимзода, муовини якуми вазири энергетика ва захираҳои оби Ҷумҳурии Тоҷикистон зимни иштирок дар Симпозиум.
Бино ба гуфтаи мусоҳиб барои тоҷикистониён ин ифтихор аст,  ки имрӯз Тоҷикистон дар сатҳи байналмилалӣ мавқеи худро муайян кардааст ва ҷомеаи ҷаҳонӣ кишвари моро ҳамчун кишвари пешбарандаи равандҳои ҷаҳонӣ эътироф намудааст.
«Пешвои миллати тоҷикон Эмомалӣ Раҳмон дар ҳаллу фасли масъалаҳои марбут ба об дар сатҳи байналмилалӣ, минтақавию миллӣ иқдомҳои зиёд дорад ва талошҳои пайваста мекунад, то ин масъала ҳаллу фасл  гарданд.  Симпозиуми  байналмилалӣ, ки имрӯз дар шаҳри Душанбе ба кори худ оғоз кард,  яке аз иқдомҳоест,  ки талошҳои пайвастаи Ҳукумати  Ҷумҳурии Тоҷикистонро боз ҳам тақвият мебахшад. Ташаббуси  Даҳсолаи байналмилалии амалиёти об барои ҳаёт, ки аз соли 2005 то 2010 ҷараён дошт,  натиҷаҳои хуб ба даст овард, вале бо назардошти он чолишҳое, ки имрӯз дар ҷомеаи ҷаҳонӣ  ҳастанд, мо ба  ҳадафи худ пурра комёб нагаштем. Бо  назардошти ин Президенти кишвар  дар Форуми ҳафтуми вобаста ба об иброз намуданд, ки мо бояд он натиҷаҳои ноилгаштаро тақвият  бахшем  ва пешниҳод шуд, ки Даҳсолаи нав зери унвони «Об барои рушди устувор» эълон карда шавад»,-илова намуд Султон Раҳимзода.
Имрӯз ҷомеаи ҷаҳонӣ ин пешниҳоди Пешвои тоҷиконро қабул намуд ва  ин иқдом боз як қадами иловагӣ дар он талошҳои пайвастаи кишвар дар ҳаллу фасли масъалаҳои об хоҳад гашт.

Август 9, 2016 16:51

Хабарҳои дигари ин бахш

Пагоҳ дар Вазорати саноат ва технологияҳои нав, Кумитаи давлатии идораи замин ва геодезӣ, Академияи миллии илмҳо, Суди Олии иқтисодӣ нишасти матбуотӣ баргузор мегардад
Имрӯз дар баъзе ноҳияҳои Тоҷикистон туман мефарояд
Имрӯз дар Кумитаи ҳолатҳои фавқулода ва мудофиаи гражданӣ, Агентии суғуртаи иҷтимоӣ ва нафақа, Хадамоти зиддиинҳисорӣ, Хадамоти иҷро ва Маркази тадқиқоти стратегӣ нишасти матбуотӣ баргузор мегардад
Пагоҳ дар Кумитаи ҳолатҳои фавқулода ва мудофиаи гражданӣ, Агентии суғуртаи иҷтимоӣ ва нафақа, Хадамоти зиддиинҳисорӣ, Хадамоти иҷро ва Маркази тадқиқоти стратегӣ нишасти матбуотӣ баргузор мегардад
Дар ноҳияи Тоҷикобод 6 коргоҳи истеҳсолӣ ба истифода дода шуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Кумитаи забон ва истилоҳот, Кумита оид ба таҳсилоти ибтидоӣ ва миёнаи касбӣ, Маркази миллии тестӣ ва Муассисаи давлатии «Тоҷикфилм» нишасти матбуотӣ баргузор мегардад
Алоқаи боэътимод — дар ҳар гуна боду ҳаво
Пагоҳ дар Кумитаи забон ва истилоҳот, Кумита оид ба таҳсилоти ибтидоӣ ва миёнаи касбӣ, Маркази миллии тестӣ ва Муассисаи давлатии «Тоҷикфилм» нишасти матбуотӣ баргузор мегардад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Кумитаи меъморӣ ва сохтмон, Агентии назорати маводи нашъаовар, Агентии «Тоҷикстандарт» ва корхонаи «Тоҷиксуғурта» нишасти матбуотӣ баргузор мегардад
Дар Конибодом бо усули «Мактаб ба мактаб» бо хонандагону волидайн вохӯриҳо баргузор мегарданд