«Тоҷикистони озоду соҳибистиқлол-Ватани маҳбуби ҳар яки мо!»-ҳамоиши ҷавонон

Август 16, 2016 17:11

Душанбе, 16.08.2016. /АМИТ «Ховар»/. Бахшида ба 25- солагии Истиқлолияти давлатии Ҷумҳурии Тоҷикистон дар муассисаи таҳсилоти миёнаи умумии №1 шаҳраки Восеъ аз ҷониби ТҶҶ «Созандагони Ватан» дар вилояти  Хатлон  таҳти унвони «Тоҷикистони озоду соҳибистиқлол-Ватани маҳбуби ҳар яки мо!» ҳамоиши ҷавонон баргузор шуд.
Ҳозирин  оид ба масъалаи муҳими рӯз-пешгирии  шомилшавии ҷавонон ба ҳар гуна гурӯҳҳои ифротгаро изҳори ақида намуда, таъкид намуданд, ки таассуфовар аст, ки баъзе ҷавонони мо аз сабаби дониши паст ва надоштани маърифати сиёсӣ ба ин гурӯҳҳо шомил мешаванд . Бояд мо ҷавонон ҳарчи зудтар пеши роҳи ин ҳодисаҳои номатлубро гирем.
Тасмим гирифта шуд, ки бо ин мақсад корҳои фаҳмондадиҳиро байни ҷавонон тақвият бахшида, дар ҳалли мушкилоти онҳо кумакрасон бошем ва нагузорем, ки ҷавонони мо дигар ба сангараҳои ҷангҳои бемаънӣ афтода, ҷони ширини худро аз даст диҳанд.
Роҳбари ТҶҶ «Созандагони Ватан дар вилояти Хатлон Орзу Ҳамидов  иброз намуд, ки баҳри созандагию ободкорӣ ҷавонон қувваи бузурганд ва метавонанд дар шукуфоии меҳани азизамон саҳмгузор бошанд. Мебояд ҳар як ҷавон баҳри рушду нумуи Ватани маҳбуби хеш сайъю талош варзад.

Август 16, 2016 17:11

Хабарҳои дигари ин бахш

Пешвои миллат: «Ҳамеша шукронаи соҳибватаниву соҳибдавлатӣ, сулҳу субот ва зиндагии орому осудаи худро ба ҷо оварем»
Имрӯз дар Тоҷикистон чангу ғубор ба амал меояд
Сергей Лебедев: «Қазоқистон аввалин мизбони Форуми волонтёрони Иттиҳоди Давлатҳои Мустақил мегардад»
Сардори Хадамоти алоқа бо фаъолияти ширкати «МегаФон Тоҷикистон» шинос шуд
МЕГАФОН ТОҶИКИСТОН. Наврасони Душанбе худро ситораи футбол эҳсос карданд
Имрӯз дар дар шаҳри Душанбе ҳаво то 36 дараҷа гарм мешавад
Дар баъзе аз хоҷагиҳои таҷрибавии шаҳри Ҳисор риоя нагардидани қоидаҳои агротехникаи парвариш мушоҳида мегардад
Дар шаҳри Истанбули Туркия гӯшаи миллии Тоҷикистон ташкил карда шуд
Имрӯз дар водиҳои Тоҷикистон ҳаво то 40 дараҷа гарм мешавад
Барои масъулини бахши молиявии Ҳизби Халқи Демократии Тоҷикистон машварати омӯзишӣ оғоз гардид
Маркази миллии тестӣ ба кадом гурӯҳи довталабон имтиёз медиҳад?
Садҳо нафар варзишгарони навраси ноҳияҳои тобеи ҷумҳурӣ ба майдонҳои футбол баромаданд