Толибилмони мактабҳои Суғд бо усулҳои эҳтиёт аз радиатсия шинос шуданд

Август 10, 2016 16:45

Хуҷанд. 10.08.2016. /АМИТ«Ховар»/. Толибилмони мактабҳои вилояти Суғд оид ба хатар, зарар ва роҳҳои бехатарӣ аз радиасияро меомӯзанд.
Ташкилоти ҷамъиятии «Гурӯҳи ҷавонон оид ба ҳифзи муҳити зист» ва маркази «Орхус» дар якҷоягӣ бо мақомотҳои ҳокимияти давлатии шаҳри Истиқлол ва ноҳияи Бобоҷон Fафуров, Агентии амнияти ядроӣ ва радиатсионии Ҷумҳурии Тоҷикистон, Раёсати ҳифзи муҳити зисти вилояти Суғд дар доираи амаликунии қисмати иттилоотии лоиҳаи Барномаи Рушди Созмони Милали Муттаҳид «Ҷалб кардани тарафҳои манфиатдор барои рӯпӯш намудани партовҳои радиатсионӣ дар Осиёи Марказӣ» барои  толибилмони  вилояти Суғд семинар-тренинг ва викторинаҳо доир намуданд, ки дар рафти ин  чорабиниҳо иштирокдорон доир ба мавзӯъҳои радиатсия, таъсири он ба одамон, воқеияти таърихӣ ва ҳодисаҳои ба радиатсия алоқадошта маълумоти бештар пайдо намуданд.
Тавре ба АМИТ  «Ховар» аз шуъбаи маорифи ноҳияи Бобоҷон  Ғафуров  иттилоъ доданд, чорабиниҳои мазкур бо иштироки беш аз 500 нафар толибилмони ноҳияи Бобоҷон Ғафуров ва шаҳри Истиқлол гузаронида шуда, дар давраи ҷамъбастӣ хонандагоне, ки аз рӯи натиҷаи озмоиш интихоб шуда буданд, ширкат намуданд.  Зимни силсила-тренингҳо ба хонандагон оид ба бехатарии радиатсионӣ ва ғизои яквақта маълумоти муфассал дода шуд. Ҳамчунин дар рафти викторина ба ҳар як иштирокчӣ  оид ба савияи дониши онҳо саволу ҷавоб низ гузаронида шуд.
Дар ҷамъбаст аз рӯи натиҷаи викторина дар шаҳри Истиқлол мактаби № 6 ғолиб  дониста, соҳиби сертификат ва 2 ҳазор сомонӣ маблағ шуд.  Аз ноҳияи Бобоҷон Ғафуров  хонандагони мактаби №11-и ҷамоати деҳоти Fозиён дастболо шуданд. Онҳо низ бо сертификат ва 1 ҳазор сомонӣ сарфароз гардиданд.

Август 10, 2016 16:45

Хабарҳои дигари ин бахш

МАСЛИҲАТИ МУТАХАССИС. Барои фоиданокӣ қаламфури булғориро бе коркард, дар шакли тару тоза истифода баред
Дар шаҳри Бӯстон сохтмони корхонаи муосири забҳи парранда идома дорад
Имрӯз дар Тоҷикистон чангу ғубор ба амал меояд
Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Фаъолияти иҷтимоӣ ва фарҳангӣ яке аз воситаҳои муассири таҳкими ваҳдати миллӣ мебошад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб
Имрӯз дар Тоҷикистон ҳаво то 37 дараҷа гарм мешавад
Дар Вазорати адлия бахшида ба Рӯзи Ваҳдати миллӣ ҳамоиши идона доир гардид
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши тантанавӣ доир шуд
Кормандони Корхонаи воҳиди давлатии «Роҳи оҳани Тоҷикистон» Рӯзи Ваҳдати миллиро таҷлил намуданд