Устодон ва донишҷӯёни Донишкадаи соҳибкорӣ ва хизмат ба истиқболи Дилшод Назаров мебароянд
Душанбе, 25.08.2016. /АМИТ «Ховар»/. Ректори Донишкадаи соҳибкорӣ ва хизмати Вазорати саноат ва технологияҳои нави ҶТ профессор Қодирзода Диловар, устодон ва донишҷӯёни ин донишкада варзишгари шинохтаи тоҷик Дилшод Назаровро барои дар даври ниҳоии мусобиқаи гурзандозӣ ба даст овардани ғолибият табрик менамоянд.
Профессор Қодирзода Диловар ба хабарнигори АМИТ «Ховар» иброз дошт, ки боиси ифтихор аст дар арафаи ҷашни 25-солагии Истиқлолияти давлатӣ Парчами Тоҷикистон дар Бразилия парафшон гашт.
«Ба даст овардани медали тилло ва унвони чемпионӣ аз ҷониби гурзандози машҳури тоҷик Дилшод Назаров воқеаи нодир буда, боиси фахр ва сарбаландии миллати тоҷик мебошад. Ин ғолибияти Дилшод Назаров барои садҳо варзишгарони тоҷик барои расидан ба қуллаҳои баландтарини касбият намунаи ибрат мебошад»,-баён намуд Қодирзода Диловар.
Тавре ки ректори донишкада хабар дод, пагоҳ, 26 август беш аз 300 нафар устодон ва донишҷӯёни ин донишкада ба истиқболи Дилшод Назаров мебароянд.
Байни Институти илмӣ-тадқиқотии сайёҳӣ ва соҳибкорӣ ва Иттифоқи дӯстии Роҳи абрешим дар Тоҷикистон шартномаи ҳамкорӣ ба имзо расид
Пагоҳ дар Вазорати маориф ва илм, Кумитаи рушди маҳал, Кумитаи дин, танзими анъана ва ҷашну маросим ва Маркази миллии қонунгузорӣ нишасти матбуотӣ баргузор мегардад
Ҳавопаймо дар наздикии фурудгоҳи Вашингтон ба дарё афтод
Имрӯз дар Тоҷикистон ҳавои бебориш пешгӯӣ мешавад
ҚОНУНИ ТАНЗИМИ ТОҶИКИСТОН-НАМУНА БАРОИ ИБРАТ. Дар Қирғизистон барои исрофкорӣ дар тӯю маросими дафн ҷарима ситонида мешавад
Нахустин заминаи инноватсияҳо
Имрӯз дар баъзе ноҳияҳои Тоҷикистон бориши борон ва барф дар назар аст
НИШАСТИ МАТБУОТӢ. Дар Хуҷанд ба маблағи беш аз 2 миллиард сомонӣ маҳсулот истеҳсол гардидааст
Пагоҳ дар Вазорати нақлиёт, Кумитаи бехатарии озуқаворӣ, Агентии авиатсияи гражданӣ ва Хадамоти алоқа нишасти матбуотӣ доир мегардад
