Вақти ҳунарнамоии Анастасия Тюрина дар Рио-де-Жанейро маълум шуд

   Душанбе,12.08.2016. /АМИТ «Ховар»/. Имрӯз соати 18:00 ба вақти Душанбе Анастасия Тюрина, узви дастаи мунтахаби олимпии Тоҷикистон дар мусобиқот аз рӯи намуди шиноварӣ тибқи барномаи Бозиҳои XXXI тобистонаи олимпӣ дар шаҳри Рио-де-Жанейрои Бразилия ширкат меварзад.
Дар ин бора  ба АМИТ «Ховар» аз Кумитаи  миллии олимпии  Тоҷикистон  хабар доданд.
Ба иттилои манбаъ, Анастасия Тюрина дар сабқати шиноварӣ ба масофаи 50 метр бо тарзи озод иштирок хоҳад кард.
Анастасия Тюрина дар ҳайати тими мунтахаби олимпии Тоҷикистон аз ҳама хурдсол аст ва 27 сентябр ба синни 15 хоҳад расид.
Ӯ хонандаи синфи 8-и муассисаи таҳсилоти умумии № 28-и шаҳри  Душанбе буда, бори аввал дар Бозиҳои олимпӣ иштирок дорад.

Дар акс: шиновар Анастасия Тюрина (аз чап) ва Кристина Пронженко (варзиши сабук), аъзоёни дастаи яккачини илимпии Тоҷикистон.