17 сентябр мавсими 76-уми театрӣ оғоз мегардад
Душанбе, 16.09.2016. /АМИТ «Ховар»/. 17 сентябри соли равон дар Театри давлатии академии опера ва балети ба номи С. Айнӣ мавсими 76-уми театрӣ бахшида ба 25-солагии Истиқлолияти давлатии Ҷумҳурии Тоҷикистон оғоз мешавад. Дар барномаи консертӣ бештар асарҳои бастакорони тоҷик, рус ва хориҷӣ рӯи саҳна оварда мешаванд. Дар ин рӯз солистони опера, оркестри симфонии театр, ҳунарпешагони балет ва хори театр санъату маҳорати худро пешкаши тамошобинон мегардонанд.
Дар мавсими нави театрӣ аҳли эҷоди Театри давлатии академии опера ва балети ба номи С. Айнӣ барои мухлисони худ барномаҳои рангин омода кардаанд.
Балети «Достон ва Рудоба»-и Шӯҳрат Ашӯров дар таҳияи Мария Левитская, операи якпардагии «Силва» дар таҳияи роҳбари бадеии театр, Ҳунарпешаи халқии Тоҷикистон Адҳам Холиқов, опереттаи «Найрангҳои Майсара» дар таҳияи Ҳунарпешаи шоистаи Тоҷикистон Шавкат Халилов бахшида ба 100-солагии бастакори маъруф Сулаймон Юдаков омода гардидааст, ки дар мавсими нав хотири ҳаводорони театриро шод мегардонанд.
Бод гуфт, ки театр барои мухлисони наврас низ намоиши нав- афсонаи мусиқии «Аладдин»-ро дар таҳияи Сӯҳроб Усмонов омода кардааст.
Каналҳои магистралии Вахш ва Шуробод ба таҷдиди куллӣ фаро гирифта шудаанд
Дар заминҳои назди Муассисаи таҳсилоти миёнаи умумии №5-и ноҳияи Кӯшониён картошка кишт карда шудааст
Сулҳофар, тоҷикпарвар, ваҳдатгаро, ташаббускор, роҳкушо, нурофар, сипаҳсолор — ҳафт сифати барҷастаи роҳбарии Пешвои миллат
Имрӯз дар Тоҷикистон ҳавои тағйирёбанда пешгӯӣ шуда, борони кӯтоҳмуддат меборад
Дар Маркази назорати давлатии санитарию эпидемиологии вилояти Суғд вохӯрӣ баргузор шуд
Имрӯз дар Тоҷикистон ҳавои тағйирёбанда шуда, борони кӯтоҳмуддат меборад
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
