27 сентябр Рӯзи ҷаҳонии туризм: Такмили қонунгузорӣ- омили рушди сайёҳӣ

Сентябрь 23, 2016 17:41

Душанбе, 24.09.2016 /АМИТ «Ховар»/. Дар  арафаи Рӯзи ҷаҳонии туризм, ки ҳамасола 27 сентябр дар тамоми ҷаҳон  ҷашн гирифта мешавад, 24 сентябр бо ташаббуси Кумитаи ҷавонон, варзиш ва сайёҳии Ҳукумати Ҷумҳурии Тоҷикистон  бо мақсади татбиқи босамари «Барномаи рушди туризм дар Ҷумҳурии Тоҷикистон дар давраи солҳои 2015-2017» дар меҳмонхонаи «Лотос»-и шаҳри Душанбе дар мавзўи «Такмили қонунгузорӣ омили рушди сайёҳӣ»  семинари ҷумҳуриявӣ баргузор мешавад.

Дар он  доираи васеи масъулини соҳа иштирок мекунанд. Дар  семинар масъалаҳои  такмили  қонунгузории соҳаи сайёҳии кишвар мавриди баррасӣ қарор мегиранд.

Такмили қонунгузории соҳаи сайёҳӣ барои беҳдошти фаъолият дар ин самт нақши асосӣ дошта, номукаммал будани заминаи меъёрию ҳуқуқӣ барои рушди минбаъдаи он монеаи ҷиддӣ мегардад.

Тавре ки аз хадамоти матбуоти кумита ба АМИТ «Ховар» хабар доданд, дар кори семинар Қонуни Ҷумҳурии Тоҷикистон «Дар бораи рушди туризми дохилӣ» аз ҷониби вакили Маҷлиси намояндагони Маҷлиси Олии Ҷумҳурии Тоҷикистон муаррифӣ шуда, мавриди баррасӣ қарор мегирад.

Ҳамкорӣ ва саъю кӯшиши якҷояи сохторҳои давлатию хусусӣ барои рушди соҳаи туризм дар асоси қонунгузории дурусти соҳавӣ сабаби эҳёи босуръати ин соҳа гардида,  он метавонад барои сарчашмаҳои нави даромади буҷет ва даромадҳои шахсӣ, таъмини шаҳрвандон бо ҷойҳои нави корӣ ва паст гардидани сатҳи камбизоатӣ мусоидат намояд. Инчунин такмили қонунгузории дурусти соҳа омили мусоидаткунанда барои ба раванди ҷаҳонии туризм шомил шудани Тоҷикистон хоҳад гашт.

Сентябрь 23, 2016 17:41

Хабарҳои дигари ин бахш

АЗ ДИРАФШИ КОВИЁНӢ ТО ПАРЧАМИ ДАВЛАТӢ. Мулоҳизаҳо доир ба оини парчамдории тоҷикон дар масири таърих
Имрӯз дар водиҳои Тоҷикистон хаво 24 дараҷа гарм мешавад
Дар Ваҳдат Фестивали намоиш – фурӯши чорвои зотӣ баргузор гардид
Дар Душанбе ҳамоиши ҷавонони соҳаи геология баргузор гардид
Имрӯз дар ноҳияҳои алоҳидаи кӯҳии Тоҷикистон борон ва барф меборад
Имрӯз дар водиҳои Тоҷикистон ҳаво то 18 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад