Ҳамаи ҳоҷиёни тоҷик ба Маккаи мукаррама расиданд
Макка, 06.09.2016. /АМИТ «Ховар»/. 6-уми сентябри соли равон охирин гурӯҳи ҳоҷиёни Тоҷикистон аз самти Душанбе ба Маккаи мукаррама расид. Ин гурӯҳи 300-нафараи зоирин парвози худро аз тариқи ширкати ҳавопаймоии «Флай-нос»-и Арабистони Саудӣ анҷом доданд. Ҳоло ҳоҷиёни Тоҷикистон дар ду меҳмонхонаи атрофи Ҳарам ҷойгир карда шудаанд ва баъди адои маносики умра ҳоҷиён ибодатҳои худро дар Хонаи Худо идома дода истодаанд.
Дар назар аст, шоми 9-уми сентябр интиқоли ҳоҷиён ба Мино оғоз гардад. Баъди адои ҳаҷ ҳоҷиёне, ки аз самти Душанбе ба Ҷидда сафар намудаанд, ба Мадинаи мунаввара сафарбар мешаванд. Аммо ҳоҷиёне, ки аз самтҳои Душанбе ва Хуҷанд ба Мадинаи мунаввара парвоз анҷом дода буданд, дар назар аст, шурӯъ аз 17-уми сентябр ба Ватан сафарбар шаванд.
Дар ин бора ба АМИТ «Ховар» сухангӯи Кумитаи оид ба корҳои дини назди Ҳукумати Ҷумҳурии Тоҷикистон Афшини Муқим аз шаҳри Маккаи мукаррама хабар дод.
Имрӯз дар водиҳои Тоҷикистон ҳаво то 36 дараҷа гарм мешавад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
