Баррасии рушди мубодилаи ҳамкории фарҳангӣ байни Тоҷикистону Япония
Душанбе, 16.09.2016 /АМИТ «Ховар»/. Мулоқоти Сафири Фавқулода ва Мухтори Ҷумҳурии Тоҷикистон дар Япония Ҳамрохон Зарифӣ бо Президенти Ҷамъияти консертии «Мин-он» Ҳироясу Кобаяши 14 сентябр баргузор гардид. Тавре аз ВКХ Тоҷикистон хабар доданд, ҷонибҳо ба таври муфассал оид ба рушди мубодилаи ҳамкории фарҳангӣ тавассути баргузории чорабиниҳои муштарак дар ин самт бо иштироки ҳунармандони ҳарду ҷониб табодули назар намуданд.
Бояд зикр намуд, ки бо даъвати Ҷамъиятии консертии «Мин-он» Ансамбли рақсии «Зебо» дар гузашта ба шаҳри Токио сафари ҳунарӣ анҷом додааст. Аз ин лиҳоз, ҷонибҳо ҳавасмандии худро барои идома ва фаъолкунии ин анъана изҳор намуданд.
Тарафҳо иброз доштанд, ки ташкили чунин сафарҳои ҳунарӣ саҳми худро ба пояи ҳусни тафоҳум ва таҳкими ҳамкории дуҷониба хоҳад гузошт. Масъалаҳои вобаста ба гузаронидани чорабиниҳои мазкур дар оянда низ таъкид карда шуд.
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
