Бозиҳои 1/8 — ниҳоии Ҷоми КФ «Истиқлол» ба анҷом расиданд

Душанбе, 1.09.2016 / АМИТ «Ховар» /. Дар Варзишгоҳи марказии пойтахт вохӯриҳои 1/8 -ниҳоии Ҷоми КФ «Истиқлол» бо ширкати дастаҳои футболи корхонаву муассисаҳо аз футболи хурд ба поён расиданд. Тими Федератсияи футболи Тоҷикистон (ФФТ-1), ду карат ғолиби ин Ҷом дар радифи ин бозиҳо бо натиҷаи 10:3 дастаи «Гумрук»-ро шикаст дод.
Дар ин бозиҳо тими «Истиқлол» аз дастаи «Динамо-2»-и Вазорати корҳои дохилӣ бо ҳисоби 5:2 мағлуб шуд. «Истиқлол», ки соли гузашта дар вохӯрии ниҳоӣ иштирок карда буд, дар муқобили ҳамлагарони ин тим муқобилияти хуб нишон надод.
Дастаи «Вавилон» бар «Фароз» бо ҳисоби 6:4, «Бонки миллӣ» бар «Казкоммерсбонк» 8:0, «Динамо» бар «Дилкаш» 6:3, «Амонатбонк» бар «Фурудгоҳ» 5:1, «Ориёнбонк» бар «Суди олӣ» 3:2 ва «Антикоррупсия» бар «Инфосис» бо натиҷаи 10:3 ғолиб омада, ба бозиҳои ¼-ниҳоӣ роҳхат гирифтанд.
Ба ҳамин тартиб, имрӯз «Динамо» бо «Ориёнбонк», «Амонатбонк» бо « Антикоррупсия», «Вавилон» бо ФФТ-1 ва «Динамо-2» бо «Бонки миллӣ» дар соати 18 вориди рақобат мешаванд.