Дар Душанбе масъалаҳои рушди иқтисодию иҷтимоии кишвар муҳокима гардид
Душанбе, 2.09.2016 /АМИТ «Ховар»/. Ҳайати намояндагии Хазинаи Байналмилалии Асъор (ХБА) дар ҷараёни сафари кории худ ба Ҷумҳурии Тоҷикистон бо роҳбарони як зумра вазорату идораҳои дахлдор мулоқоти корӣ анҷом дода, масъалаи омӯзиши барномаи ислоҳоти иқтисодии Тоҷикистонро баррасӣ намуданд.
Ҳамчуни дар ҷараёни кори худ дар Бонки миллии Тоҷикистон (БМТ) бо иштироки роҳбарони аввали сохторҳои бахши иқтисодии Ҳукумати Ҷумҳурии Тоҷикистон ва ҳайати намояндагии ХБА таҳти роҳбарии муовини роҳбари идораи Департаменти кишварҳои Шарқи Наздик ва Осиёи Марказӣ Пол Росс мулоқоти корӣ баргузор гардид.
Дар мулоқот ҷонибҳо дар атрофи масъалаҳои рушди иқтисодию иҷтимоии кишвар, алалхусус оид ба нишондиҳандаҳои макроиқтисодии ҷумҳурӣ, низоми монетариву фискалӣ, таҳияи лоиҳаи барномаи механизми васеи қарздиҳии ХБА ба Тоҷикистон мубодилаи афкор намуданд.
Роҳбари ҳайати намояндагии ХБА оид ба Тоҷикистон Пол Росс дар анҷоми мулоқот изҳор дошт, ки натиҷаҳои барномаи ислоҳоти иқтисодӣ дар Тоҷикистон назаррас буда, барои густариши минбаъдаи ҳамкорӣ дар самтҳои гуногуни иқтисодиёт ХБА пешниҳодҳои Ҷумҳурии Тоҷикистонро ҷиҳати омода намудани барнома дар муҳлати кӯтоҳтарин мавриди баррасӣ қарор медиҳад.
Дар ин бора ба АМИТ «Ховар» аз шуъбаи матбуотии БМТ иттилоъ доданд.
ДАР ПАЙРАВӢ БА ИҚДОМИ ПЕШВОИ МИЛЛАТ. Ба хонандагони ятими шаҳри Роғун либоси мактабӣ ва лавозимоти хониш тақдим гардид
КИТОБ — МУФИДТАРИН ИХТИРОИ БАШАР. Имрӯз дар Тоҷикистон Рӯзи китоб аст
Сафири Тоҷикистон бо Вазири энергетика ва маъданҳои Салтанати Умон мулоқот намуд
Имрӯз дар шаҳри Душанбе ҳаво то 31 дараҷа гарм мешавад
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
ГРАНТИ ПРЕЗИДЕНТӢ. Давоми солҳои соҳибистиқлолӣ ба 1395 нафар занон беш аз 45 миллион сомонӣ грант ҷудо гардид
