Дар ноҳияҳои кӯҳии Тоҷикистон боридани барфу борон дар назар аст

Душанбе, 05.09.16. /АМИТ «Ховар»/. Мувофиқи пешгӯии мутахассисон рӯзҳои наздик дар ҷумҳурӣ ҳавои тағйирёбандаи бебориш дар назар дошта шудааст.
Бинобар иттилои Агентии обуҳавошиносии Тоҷикистон, 6-10 сентябр дар баъзе ноҳияҳои кӯҳии Тоҷикистон ҳарорати ҳаво 3-4 дараҷа поён рафта, эҳтимоли боридани борони кӯтоҳмуддат ва раъду барқ дар назар аст. Ҳамчунин дар ин рӯзҳо дар ноҳияҳои кӯҳии шарқи ҷумҳурӣ эҳтимоли боридани барф пешгӯӣ мешавад.
Пагоҳ, 6 сентябр дар вилояти Хатлон ҳаво дар водиҳо шабона 17-22, рӯзона 33-38 дараҷа гарм хоҳад шуд.
Дар вилояти Суғд ҳаво шабона 16-21, рӯзона 33-38 дараҷа гармиро ташкил медиҳад.
Дар Душанбе ҳавои камабри бебориш дар назар дошта шуда, ҳаво шабона 12-17, рӯзона 32-37 дараҷа гарм мешавад.
Дар ноҳияҳои тобеи марказ низ ҳавои тағйирёбандаи бебориш дар назар дошта шудааст. Ҳаво шабона 12-17, рӯзона 32-37 дараҷа гарм мешавад.
Дар Вилояти Мухтори Кӯҳистони Бадахшон ҳаво дар ғарби вилоят шабона 10-15, рӯзона 26-31; дар шарқи ин вилоят шабона 0-5, рӯзона 11-16 дараҷа гармиро ташкил хоҳад дод.