Дар ноҳияи Рашт 83 муассисаи тандурустӣ фаъолият дорад
Душанбе, 23.09.2016. /АМИТ «Ховар»/. Дар даврони соҳибистиқлолии кишвар дар ноҳияи Рашт бо дастгирии Ҳукумати Ҷумҳурии Тоҷикистон сатҳи хизматрасонии тиббӣ ба аҳолӣ ва бо таҷҳизоти нави муосир таъмин гардидани муассисаҳои тиббӣ сол то сол рў ба беҳбудӣ овард.
Дар айни ҳол дар ноҳия 83 муассисаи тандурустӣ фаъолият дошта, дар ин муассисаҳо 611 нафар кормандон, аз ҷумла 131 нафар духтурон, ки ин нишондод 10,96 нафар ба 10 ҳазор нафар аҳолӣ рост меояд ва 398 нафар ҳамшираҳои тиббӣ, ки 33,3 нафар ба 10 ҳазор нафар аҳолӣ рост меояд, фаъолият доранд.
Бо дастгирии Вазорати тандурустӣ ва ҳифзи иҷтимоии аҳолӣ ба Беморхонаи марказии ноҳия таҷҳизоти литотрипсия ба маблағи 284 ҳазор сомонӣ ва таҷҳизоти гемодиализ бо маблағи 221 ҳазор сомонӣ дастрас карда шуд. Инчунин толорҳои ҷарроҳии шуъбаи таваллуд ва шикастабандии беморхонаи марказии ноҳия бо 2 адад мизи ҷарроҳӣ таъмин карда шуданд.
Дар ин давра биноҳои бунгоҳи саломатии деҳаи Чашмаи Қозӣ дар Ҷамоати деҳоти Нусратулло Махсум, нуқтаи тиббии маҳаллаи Ғарми болои Ҷамоати деҳоти Навдӣ, нуқтаи тиббии шаҳраки Сомониёни Ҷамоати шаҳраки Ғарм ва маркази саломатии деҳаи Қуллои Ҷамоати деҳоти Навдӣ мавриди истифода қарор гирифтанд.
Сохтмони биноҳои бунгоҳи тиббии деҳаи Хоҷаалии Ҷамоати деҳоти Боқӣ Раҳимзода, деҳаи Себистони Ҷамоати деҳоти Қалъаи Сурх ва нуқтаи тиббии деҳаи Ғаввосиёни Ҷамоати деҳоти Нусратулло Махсум идома дорад.
Имрӯз дар Тоҷикистон ҳаво тағйирёбандаи бебориш мешавад
Дар Қазоқистон беш аз 6,5 ҳазор нафар бинобар обхезиҳо дар нуқтаҳои бехавф боқӣ мемонанд
Бар асари гармои шадид дар Бангладеш 10 нафар ҳалок шуд
Дар Кения бар асари пайомадҳои обхезӣ дар як моҳ беш аз 160 нафар ба ҳалокат расид
МегаФон Тоҷикистон мусобиқаҳои байналмилалии парапланеристонро дар Данғара дастгирӣ намуд
Дар ноҳияи Ховалинг дар 8 гектар боғи хуч бунёд карда шуд
Тоҷикистон ва Индонезия чорабиниҳои дарпешистода дар соҳаи дипломатияи обиро баррасӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар Донишгоҳи давлатии Бохтар бо вакилон вохӯрӣ баргузор гардид
Бо фаъолону сокинони Ҷамоати деҳоти Даҳанаи ноҳияи Ёвон вохӯрии судманд доир гардид
Доир ба истифодаи самараноки замин ва нақши он дар таъмини амнияти озуқаворӣ машғулияти такмили ихтисос оғоз ёфт
«ИЛМ-ФУРӮҒИ МАЪРИФАТ». Дар Донишгоҳи техникии Тоҷикистон ғолибони даври аввали озмун қадрдонӣ шуданд
