Дар шаҳри Хоруғ намоиш-фурӯши маҳсулоти ғизоӣ оғоз шуд, ки як ҳафта идома мекунад

Сентябрь 5, 2016 15:55

Хоруғ, 05.09.2016. /АМИТ «Ховар»/. Бо ибтикори Агентии захираҳои моддии давлатии назди Ҳукумати Ҷумҳурии Тоҷикистон ба муносибати 25-умин солгарди Истиқлолияти давлатии Ҷумҳурии Тоҷикистон дар бозори шаҳри Хоруғ намоиш-фурӯши маҳсулоти ниёзи аввалия баргузор гардид.
Ба гуфтаи масъулини агентӣ: «Дар ярмаркаи мазкур, ки дар бозори «20 солагии Истиқлолияти давлатии Ҷумҳурии Тоҷикистон» давоми як ҳафта идома меёбад, бештар аз 50 тонна маҳсулоти хӯрокворӣ ба фурӯш бароварда мешавад. Агар ин миқдор маҳсулот камӣ кард, дар анбори мо захираи кофӣ мавҷуд аст».
Яке аз харидорон, ки худро сокини ноҳияи Шуғнон Тайғуншо Музофиршоев муаррифӣ кард, ба Ҳукумати кишвар изҳори миннатдорӣ намуда, гуфт: «дар остонаи ду ҷашни бузург- яке ҷашни Истиқлолияти давлатӣ ва дигаре иди Қурбон, баргузор кардани ин гуна намоишҳо кори савобу хайр аст. Чунин ярмаркаҳо ба тамоми қишри ниёзманди ҷомеа низ имконият медиҳанд, ки дар рӯзҳои ҷашн дастархони оилаи худро бо завқи дил оро диҳанд ва барои фасли зимистон сабзавоту меваҷотро бо нархи арзон харидорӣ ва захира намоянд».
Ба гуфтаи харидорон агар дар дигар бозору мағозаҳо нархи як халта орд 165-170 сомонӣ бошад, дар ин ҷо онро бо нархи 130-160 мефурӯшанд. Нархи дигар анвои маҳсулоти ғизоӣ низ барои ҳамаи қишрҳои ҷомеа дастрас мебошад.
Намояндаи Агентии захираҳои моддии давлатии назди Ҳукумати Ҷумҳурии Тоҷикистон Валиҷон Давлатов гуфт, ки чунин намоиш-фурӯши маҳсулоти ғизоӣ дар тамоми марказҳои ноҳияҳо ва деҳоти дурдасти вилоят роҳандозӣ шудааст ва то як ҳафтаи дигар идома меёбанд.

Сентябрь 5, 2016 15:55

Хабарҳои дигари ин бахш

АЗ ДИРАФШИ КОВИЁНӢ ТО ПАРЧАМИ ДАВЛАТӢ. Мулоҳизаҳо доир ба оини парчамдории тоҷикон дар масири таърих
Имрӯз дар водиҳои Тоҷикистон хаво 24 дараҷа гарм мешавад
Дар Ваҳдат Фестивали намоиш – фурӯши чорвои зотӣ баргузор гардид
Дар Душанбе ҳамоиши ҷавонони соҳаи геология баргузор гардид
Имрӯз дар ноҳияҳои алоҳидаи кӯҳии Тоҷикистон борон ва барф меборад
Имрӯз дар водиҳои Тоҷикистон ҳаво то 18 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад