Деваштич: Вакили мардумӣ аз дастовардҳои бузурги даврони Истиқлолият сухан гуфт
Душанбе, 16.09.2016. /АМИТ «Ховар»/. Имрӯзҳо дар шаҳру ноҳияҳои кишвар мулоқоти вакилони Маҷлиси намояндагони Маҷлиси Олии Ҷумҳурии Тоҷикистон бо интихобкунандагон ҷараён дорад.
Тавре аз Кумитаи иҷроияи Ҳизби халқии демократии Тоҷикистон дар ноҳияи Деваштич хабар доданд, дар деҳаи Росровути ноҳияи Деваштич вохӯрии интихобкунандагон бо вакили мардумӣ аз ҳавзаи интихоботии Деваштич-24 Зуфар Исмоилзода доир шуд. Зуфар Исмоилзода ҳамагонро бо ҷашни 25-солагии Истиқлолияти давлатии Ҷумҳурии Тоҷикистон шодбош гуфта, доир ба дастовардҳои бузурги даврони Истиқлолият, аз ҷумла бунёди роҳу пулҳо, иншооти иҷтимоию фарҳангӣ, мавриди истифода қарор гирифтани даҳҳо коргоҳҳои саноатӣ, хонаҳои истиқоматӣ ва бунёди шаҳраку шаҳрҳои нав ҳарф зад.
Мулоқот дар ҷамоатҳои Исмоили Сомонӣ ва Далёни Боло низ бо иштироки фаъолонаи сокинон ва ибрози мулоҳизаҳо ҷараён гирифт.
Вакили мардумӣ З. Исмоилзода аз корҳои ободонӣ дар деҳаи Истиқлол низ дидан карда, бо сокинони маҳал суҳбати гарм орост. Бояд гуфт, ки дар деҳаи мазкур бевосита бо дастгирии худи мардум ба тариқи ҳашар беморхонаи нав бунёд ёфт, ки дорои 20 кат буда, бо тарҳи ҷавобгӯй ба талабот бунёд гардидааст. Боз бо иқдоми худи аҳолӣ сохтмони бинои нави мактаб бо фарогирии 10 синфхона идома дорад.
Мулоқоти вакили Маҷлиси намояндагон З.Исмоилзода дар деҳаҳои ҳавзаи интихоботӣ идома дорад.
Каналҳои магистралии Вахш ва Шуробод ба таҷдиди куллӣ фаро гирифта шудаанд
Дар заминҳои назди Муассисаи таҳсилоти миёнаи умумии №5-и ноҳияи Кӯшониён картошка кишт карда шудааст
Сулҳофар, тоҷикпарвар, ваҳдатгаро, ташаббускор, роҳкушо, нурофар, сипаҳсолор — ҳафт сифати барҷастаи роҳбарии Пешвои миллат
Имрӯз дар Тоҷикистон ҳавои тағйирёбанда пешгӯӣ шуда, борони кӯтоҳмуддат меборад
Дар Маркази назорати давлатии санитарию эпидемиологии вилояти Суғд вохӯрӣ баргузор шуд
Имрӯз дар Тоҷикистон ҳавои тағйирёбанда шуда, борони кӯтоҳмуддат меборад
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
