Файзобод: Дар Мусобиқаи ҷумҳуриявӣ хонаи Шералӣ Давлатов ҷойи аввалро гирифт

Сентябрь 5, 2016 11:41

Файзобод, 05.09.2016. /АМИТ «Ховар»/. Дар доираи Мусобиқаи ҷумҳуриявии шаҳру ноҳияи беҳтарин, ҷамоат, маҳалла, оила ва хонаи намунавӣ, ки ба ифтихори 25-солагии Истиқлолияти давлатии Ҷумҳурии Тоҷикистон дар шаҳру ноҳияҳо доир гардид, дар ноҳияи Файзобод хонаи Шералӣ Давлатов, сокини ҷамоати деҳоти Қалъаи дашт сазовори ҷойи аввал гардид.
Бинои хона аз ду ошёна иборат буда, 8 ҳуҷра, меҳмонхонаю ошхонаи алоҳида дорад. Шералӣ Давлатов мегӯяд, ки сохтмони хонаи мазкур бо меҳнати якҷояи омӯзгории ӯву ҳамсараш ва фурӯши ҳамасолаи меваҳои боғашон аз соли 2000 оғоз гардида, давра ба давра соли 2015 пурра ба анҷом расид. Ва ин оилаи хушбахт дар айни замон бо фарзандону наберагон бо шукргузорӣ аз сулҳу ваҳдати миллӣ дар он зиндагӣ доранд.
Ҳамчунин бо заҳматҳои бисёру ғизодиҳии ниҳолҳои себу ноки заминаш ба ҳисоби миёна имсол аз 5 сотих боғ 6 тонна ҳосил ҷамъоварӣ менамояд ва ба хотири захираи меваҳои боғаш Шералӣ Давлатов анбори мева сохтааст, ки дар он бе мушкилӣ самараи заҳматашронигоҳубин мекунад.
Муовини раиси ҷамоати деҳоти Қалъаи дашти ноҳия Зебунисо Шарипова изҳор дошт, ки дар даври аввали Мусобиқаи ҷумҳуриявии шаҳру ноҳияи беҳтарин, ҷамоат, маҳалла, оила ва хонаи намунавӣ хонаҳои ҳудуди ҷамоат пурра иштирок намуданд ва барои самаранок истифода бурдани замини наздиҳавлигӣ, ба ҳолатҳои санитарӣ ҷавобгӯ будан ва ба таври миллӣ ороиш ёфтани хонаи мазкур хонаи Шералӣ Давлатов дар даври ноҳиявӣ сазовори ҷойи аввал гардида, ба даври ҷумҳуриявӣ пешниҳод шуд.

Сентябрь 5, 2016 11:41

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт