Кормандони соҳаи фарҳанг бо мукофотҳои давлатӣ қадрдонӣ гардиданд
Душанбе, 6.09.2016 /АМИТ «Ховар»/. Имрӯз, 6 сентбяр бо Фармони Асосгузори сулҳу- Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон як гурӯҳ кормандони соҳаи фарҳанг бо назардошти хизматҳои пурсамарашон дар соҳаи фарҳанг бо мукофотҳои давлатӣ сарфароз гардиданд.
Мукофотҳои давлатиро мушовири Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода ва вазири фарҳанги Ҷумҳурии Тоҷикистон Шамсиддин Орумбекзода ба кормандон тақдим намуданд.
Тавре ба АМИТ «Ховар» аз Вазорати фарҳанги ҶТ хабар доданд Қурбоналӣ Бӯриев, директори генералии Муассисаи давлатии Агентии миллии Созмони байналмилалии рақамгузории китоб «Хонаи китоби Тоҷикистон», Хосият Олимова, ҷоизадори Озмуни байналхалқии пианинонавозони Федератсияи Русия, мудири кафедраи фортепианои Консерваторияи миллии Тоҷикистон ба номи Талаб Сатторов, Хайриддин Ҷалолов, директории Мактаби санъати бачагонаи ноҳияи Рӯдакӣ ба номи Мухтор Ашрафӣ бо медали «Хизмати шоиста» ва Абдураҳмон Назирматов, омӯзгори тахассуси заргарии Коллеҷи ҷумҳуриявии рассомии ба номи Мирзораҳмат Олимов бо «Ифтихорнома»-и Ҷумҳурии Тоҷикистон қадрдонӣ карда шуданд.
Имрӯз дар водиҳои Тоҷикистон ҳаво то 36 дараҷа гарм мешавад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
