Моҳипарварони вилояти Суғд наздик ба 100 тонна моҳӣ сайд кардаанд

Хуҷанд, 19.09.2016. /АМИТ «Ховар»/. Дар вилояти Суғд аз аввали сол то имрӯз дар хоҷагиҳои моҳипарварии вилоят сайди моҳӣ 98,3 тоннаро ташкил намуд. Тавре ки аз Идораи моҳипарварии вилоят иттилоъ доданд, хаҷми маҳсулоти моҳипарварӣ дар 8 моҳи соли равон 2,0 млн. сомониро ташкил кард, ки он нисбат ба ҳамин давраи соли 2015-ум — 0,7 фоиз зиёд шудааст.
Дар ҳаҷми умумии истеҳсоли моҳӣ намуди моҳии пешонағафси сафед 8,6 фоиз, зағорамоҳӣ 11,7 фоиз, амури сафед 4,5 фоиз, суфмоҳӣ 5,2 фоиз ва дигар намуди моҳиҳо 69,9 фоизро ташкил мекунанд.