Мулоқоти вакилони МН МО бо сокинони ВМКБ идома дорад

Сентябрь 15, 2016 17:17

Хоруғ, 15.09.2016. /АМИТ «Ховар»/. Муовини Раиси Маҷлиси намояндагони Маҷлиси Олии Ҷумҳурии Тоҷикистон Акрамшоҳ Фелалиев ва вакили Маҷлиси намояндагони Маҷлиси Олии Ҷумҳурии Тоҷикистон Тиллоббек Бухориев зимни сафар ба ноҳияи Ишкошим бо шароити хизмати сарбозону афсарони қисми марзбонии 01123 шинос шуданд. Онҳо, пеш аз ҳама, ба ошхона даромада, бо сарбозон дар бораи сифати таом суҳбат намуданд. Яке аз сарбозони ин қисми низомӣ изхор дошт, ки «шояд шумо гумон кунед, ки ҳамин таоми болаззатро ба хотири омадани шумо барои мо омода кардаанд. Вале чунин нест. Ғизои ҳаррӯзаи мо мисли имрӯза ширину лазиз аст». Вакилон аз вазъи санитарии ошхона низ изҳори қаноатмандӣ намуданд.
Бо мақсади ҷалби таваҷҷуҳи сарбозон ба ҳифзи муҳити зист ва баланд бардоштани завқи зебоипарастии онҳо дар қисми низомӣ парвариши навъҳои гуногуни гулу буттаҳои хонагиро ба роҳ мондаанд, ки хеле хуб нашъу намо ёфтаанд. Ҳоло дар ин гулхона бештар аз 10 намуди гулҳо парвариш меёбанд.
Муовини Раиси Маҷлиси намояндагони Маҷлиси Олии Ҷумҳурии Тоҷикистон ба сарбозон аз китобхонаи шахсии худ 200 нусха китоб туҳфа карда, баён дошт, ки «баъди адои хизмати Ватан иддае аз шумо таҳсилро дар донишгоҳу донишкадаҳои кишвар идома хоҳед дод. Аз ин рӯ, дар вақтҳои холӣ метавонед ин китобҳоро мутолиа намоед. Агар китоби дилхоҳ ва заруриро дар миёнашон пайдо накардед, бо мо тамос гиред, ҳатман пайдо карда, ба шумо мефиристем».
Вакилони Маҷлиси намояндагон ҳамчунин бо сокинони маркази ноҳия ва деҳоти атрофи он мулоқот анҷом дода, ба ноҳияи Мурғоб сафар намуданд.

Сентябрь 15, 2016 17:17

Хабарҳои дигари ин бахш

АЗ ДИРАФШИ КОВИЁНӢ ТО ПАРЧАМИ ДАВЛАТӢ. Мулоҳизаҳо доир ба оини парчамдории тоҷикон дар масири таърих
Имрӯз дар водиҳои Тоҷикистон хаво 24 дараҷа гарм мешавад
Дар Ваҳдат Фестивали намоиш – фурӯши чорвои зотӣ баргузор гардид
Дар Душанбе ҳамоиши ҷавонони соҳаи геология баргузор гардид
Имрӯз дар ноҳияҳои алоҳидаи кӯҳии Тоҷикистон борон ва барф меборад
Имрӯз дар водиҳои Тоҷикистон ҳаво то 18 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад