Муъминобод: Иштироки фаъолона дар Дави миллӣ

Душанбе, 3.09.2016 /АМИТ «Ховар»/. Бахшида ба ҷашни 25- солагии Истиқлолияти давлатии Ҷумҳурии Тоҷикистон имрӯз дар ноҳияи Муъминобод Дави миллӣ баргузор гардид, ки дар он беш аз 894 нафар ҷавонон ширкат варзиданд. Иштирокдорон ба масофаи то 3 километр давиданд.
Имрӯзҳо дар ноҳия бо ҳамкории Мақомоти иҷрояи ҳокимияти давлатии ноҳия чорабиниҳои гуногуни варзишӣ дар ҷамоатҳои шаҳраку деҳот идома дошта, байни мактабҳои таҳсилоти умумӣ, ташкилоту муассисаҳо ва дигар сохторҳои қудратӣ гузаронида мешаванд.
Дар давоми 25 соли Истиқлолияти давлатии Ҷумҳурии Тоҷикистон варзишгарони ноҳияи Муъминобод дар мусобиқаҳои вилоятӣ, ҷумҳуриявӣ ва байналмилалӣ ширкат варзида, 1300 медал ба даст овардаанд, ки 67 адади он аз мусобиқаҳои байналмиллалӣ мебошад.