Нозирони тоҷик озими Маскав мегарданд
Душанбе, 13.09.2016/АМИТ «Ховар»/. Нозирони тоҷик ҷараёни баргузории интихоботи Думаи давлатии Маҷлиси федералии Федератсияи Русияро, ки 18 сентябри соли равон баргузор мегардад, мушоҳида менамоянд. Дар робита ба ин 16 сентябр ҳайати нозирони тоҷик, ки ба он раиси Комиссияи марказии интихобот ва раъйпурсии Ҷумҳурии Тоҷикистон Бахтиёр Худоёрзода ва Ёрдамчии Президенти Ҷумҳурии Тоҷикистон оид ба масъалаҳои ҳуқуқӣ, намояндаи ваколатдори Президенти Ҷумҳурии Тоҷикистон дар Маҷлиси Олӣ Маҳмадалӣ Ватанзода шомиланд, озими Маскав- пойтахти Русия мегарданд.
Абдуманнон Додозода- роҳбари дастгоҳи Комиссияи марказии интихобот ва раъйпурсии Ҷумҳурии Тоҷикистон дар суҳбат ба хабарнигори АМИТ «Ховар» гуфт, ки нозирони тоҷик ҷараёни баргузории интихоботи парлумонии Русияро дар ҳайати нозирони Иттиҳоди Давлатҳои Мустақил мушоҳида менамоянд.
Бояд тазакккур дод, ки Думаи давлатии Маҷлиси федералии Федератсияи Русия палатаи поёнии Парлумони Русия ба шумор рафта, аз 450 вакил иборат мебошад. Вакилони Думаи давлатии Русия тавассути баргузории интихоботи Думаи давлатии Маҷлиси федералии Федератсияи Русия ба муҳлати панҷ сол интихоб карда мешаванд.
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Имрӯз дар ноҳияҳои алоҳидаи Тоҷикистон чангу ғубор ба амал меояд
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
