Оғози муҳорибаҳои омехта аз ҷониби Федератсияи панкратион дар Маҷмааи варзишии «Динамо»
Душанбе, 23.09.2016. /АМИТ «Ховар»/. Имрӯз бо ташаббуси Федератсияи панкратиони муосири Ҷумҳурии Тоҷикистон бахшида ба 25-солагии Истиқлолияти давлатии Ҷумҳурии Тоҷикистон дар Маҷмааи варзишии Шӯрои ҷумҳуриявии «Динамо»-и Вазорати корҳои дохилии Ҷумҳурии Тоҷикистон дар байни ҷавонону наврасон аз намуди муҳорибаҳои омехта (панкратион) мусобиқаи ҷумҳуриявӣ оғоз гардид.
Тавре аз Вазорати корҳои дохилии ҶТ хабар доданд, дар мусобиқа 164 варзишгари ҷавону наврас аз тамоми минтақаҳои ҷумҳурӣ, аз 10 то 17-сола ва аз он боло иштирок намуда, барои ба даст овардани ғолибият қувваю маҳорати хешро месанҷанд.
Роҳбари дастгоҳи вазири корҳои дохилии ҶТ, полковники милитсия Анварҷон Ализода аз номи Вазири корҳои дохилӣ варзишгаронро бо 25-умин солгарди Истиқлолияти давлатии Ҷумҳурии Тоҷикистон табрик намуда, ба онҳо бурдборию муваффақият таманно намуд. Зикр гардид, ки варзиш қосиди сулҳ ва таҳкимдиҳандаи дӯстию рафоқат буда, дар баланд бардоштани рӯҳияи ватандӯстию пешгирӣ аз амалҳои номатлуб ва интихоби ҳаёти дуруст нақши босазо дорад.
Дар мусобиқаи имрӯза варзишгарони ҷавону наврас мувофиқи соли худ ва аз рӯи вазни муайян (аз 30 то 76 кг) ба майдон баромада, бо ҳам рақобат мекунанд.
Мусобиқаи муҳорибаҳои омехта тайи ду рӯз- 23-24 сентябр идома меёбад.
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
