Оғози мусобиқаи кушоди даставӣ оид ба футбол

Душанбе, 21.0.2016. /АМИТ«Ховар»/. Дирӯз дар варзишгоҳи «Спитамен»-и Вазорати корҳои дохилӣ бахшида ба 25-солагии Истиқлолияти давлатии Ҷумҳурии Тоҷикистон мусобиқаи кушоди даставӣ оид ба футбол барои дарёфти «Ҷоми Вазири корҳои дохилии Ҷумҳурии Тоҷикистон» байни мақомоти ҳифзи ҳуқуқ, сохторҳои қудратӣ ва корхонаю идораҳои давлатии Ҷумҳурии Тоҷикистон оғоз гардид.
Ёдовар мешавем, ки дар мусобиқа 17 дастаи футболбозон аз Суди олӣ, Прокуратураи генералӣ, вазоратҳои мудофиа, корҳои дохилӣ, адлия, тандурустӣ ва ҳифзи иҷтимоии аҳолӣ, Кумитаи давлатии амнияти миллӣ, ҳолатҳои фавқулода ва мудофиаи гражданӣ, ҷавонон, варзиш ва сайёҳӣ, Агентии назорати маводи нашъаовар, Хадамоти гумрук, Гвардияи миллӣ, Федератсияи футболи Тоҷикистон, ширкати «Вавилон», Сарраёсати қӯшунҳои сарҳадӣ, Раёсати қӯшунҳои дохилӣ, собиқадорони «Динамо»-и ВКД ширкат варзида, дар чор гурӯҳ бо ҳам рақобат менамоянд.
Хотиррасон менамоем, ки ин мусобиқаи варзишӣ то охири моҳи октябр идома меёбад.