Рӯдакӣ рафту монд ҳикмати ӯй…
Хоруғ, 22.09.2016. /АМИТ «Ховар»/. Дар мактаби таҳсилоти миёнаи умумии рақами шашуми шаҳри Хоруғ бахшида ба Рӯзи Рӯдакӣ конфронси илмию бадеӣ баргузор шуд. Дар он омӯзгорону хонандагони мактаб дар атрофи зиндагӣ ва эҷодиёти сардафтари адабиёти классики тоҷику форс Абуабдулло Рудакӣ мубодилаи афкор намуданд. Омӯзгори ин мактаб Латофат Назирова ашъори Рудакиро ба дурре шабоҳат дод, ки бо гузашти ҳазорон сол ҳеҷ гарду ғуборе натавонист ба рӯяш парда кашад. Ҳанӯз ҳам калому забон, афкору ақида ва фалсафааш барои ҳама-чӣ пиру чӣ кудак фаҳмост, зеро шоир бо ҳама хираду заковаташ боз ҳам саъй намудааст бо забони равони тоҷикӣ-форсӣ ҳадафашро ба мухотабони худ бирасонад. Латофат Назирова аз шогирдони худ хост, ки ҳарчӣ бештар ашъори Рӯдакиро мутолиа кунанд то ба ҳангоми сухан гуфтан забонашон равону шево ва фикрашон мӯъҷазу пур аз ҳикмат бошад. Дар шароити феълӣ надонистани забони модарии худ ҳам айб ва гуноҳ аст. Ба ҷуз ин, агар одам забони миллати худро надонад, омӯхтани забони ғайр ба вай хеле душвор мегардад.Ин омӯзгори соҳибтаҷриба нақши эҷодиёти ин шоири оламшумулро дар ташаккули тафаккури кӯдакону наврасон муҳим арзёбӣ карда гуфт, ки мо бояд танҳо ба имрӯз, яъне 22 сентябр — Рӯзи Рӯдакӣ иктифо накунем, балки ҳамарӯза аз панду ҳикматҳои ӯ ёдоварӣ намоем.
Дар поёни конфронс хонандагон бо истифода аз ашъори Абуабдулло Рӯдакӣ саҳначаеро манзури ҳамсолони худ гардониданд.
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
