Рӯзҳои наздик дар ҷумҳурӣ ҳавои софи бебориш пешгӯӣ мешавад

Душанбе, 21.09.16. /АМИТ «Ховар»/. Мутахассисони Агентии обуҳавошиносии Тоҷикистон рӯзҳои наздик дар ҷумҳурӣ ҳавои софи беборишро пешгӯӣ менамоянд.
Тавре ба АМИТ «Ховар» аз агентии мазкур хабар доданд, аз 22 то 25 сентябр дар минтақаи ҷануби Тоҷикистон ҳавои софи бебориш дар назар дошта шудааст. Дар ин рӯзҳо ҳарорати ҳаво ба 37 дараҷа хоҳад расид.
Дар вилояти Суғд низ ҳавои камабри бебориш дар назар дошта шудааст. Ҳарорати ҳаво ба 33 дараҷа хоҳад расид.
Дар шарқи Вилояти Мухтори Кӯҳистони Бадахшон ҳаво шабона аз 2 дараҷа хунук то 3 дараҷа гарм шуда, ҳарорат рӯзона 13-18 дараҷаро ташкил хоҳад дод. Дар ғарби вилоят ҳаво шабона 8-13, рӯзона 25-30 дараҷа гарм мешавад.
Дар Душанбе ҳавои тағйирёбандаи бебориш дар назар буда, ҳаво 30- 35 дараҷа гарм мешавад.
Дар ноҳияҳои тобеи марказ ҳавои тағйирёбанда, дар баъзе ноҳияҳои кӯҳӣ боридани борони кӯтоҳмуддат дар назар дошта шудааст. Ҳаво рӯзона то 35 дараҷа гарм мешавад.