«Регар-ТадАЗ» дар даври чордаҳуми чемпионати футболи Тоҷикистон бар «Хайр»-и Ваҳдат ғолиб омад

Душанбе, 19.09.2016. /АМИТ Ховар/. Дастаи футболи «Регар-ТадАЗ»-и Турсунзода дар даври чордаҳуми чемпионати футболи Тоҷикистон бар тими «Хайр»-и шаҳри Ваҳдат бо ҳисоби бузурги 5:1 пирӯз шуд.
Голҳои дастаи ғолибро Санҷар Баротов, Комрон Турсунов, Расул Файзов, Ромиш Ҷалилов ва Фирӯз Қараев ба ҳадаф расониданд. Баъди ин ғалаба дастаи «Регар-ТадАЗ» бо 20 имтиёз дар ҷадвали мусобиқот ба зинаи дуюм баромад.
Ёдовар мешавем, ки дастаи ССКА «Помир»-и Душанбе низ 20 имтиёз дорад, вале бо назардошти таносуби беҳтари тӯбҳо дастаи ССКА «Помир» пас аз «Регар-ТадАЗ», яъне дар зинаи сеюм қарор дорад.
Дастаи «Истиқлол»-и Душанбе бо 30 имтиёз дар ҷойи аввал аст.