Роғун: озмунҳои «Сад ранги чакан», «Иди асал», «Зардӯзи беҳтарин»-пайки ҷашни Истиқлолияти давлатӣ

Роғун, 06.09.2016. /АМИТ «Ховар»/. Субҳи имрӯз дар маркази шаҳри Роғун ба ифтихори 25-солагии Истиқлолияти давлатии Ҷумҳурии Тоҷикистон озмунҳои «Сад ранги чакан», «Иди асал», «Зардӯзи беҳтарин», «Нони гарми меҳнатиро дида мемолам ба чашм» ва намоиши ҳунарҳои мардумӣ бо иштироки аҳли фарҳангу маориф ва сокинони шаҳр баргузор гардид. Дар озмунҳо ҳунармандону мутахассисони занбӯрпарвар, ошпазҳои беҳтарини ҷамоатҳои шаҳраку деҳоти ноҳия намунаи ҳунари худро ба ҳакамон пешниҳод намуданд.
Мақсади озмунҳо- эҳёи анъанаҳои мардумӣ, ҷалби занону духтарони хонанишин ба дӯхтани либосҳои миллӣ ва муаррифии мероси пурғановати гузаштагон мебошад.
Дар анҷоми намоишҳо ғолибони озмун бо туҳфаҳои хотиравӣ сарфароз гардонида мешаванд.