Таҷлили Рӯзи Истиқлолияти Ҷумҳурии Тоҷикистон дар Сеул
Душанбе, 06.09.2016 /АМИТ «Ховар»/. Дар майдони марказии Сеул (Донгдемун Сквеа) ба муносибати 25-умин солгарди Рӯзи Истиқлолияти Ҷумҳурии Тоҷикистон 4 сентябр чорабинии идона барпо гардид.
Тавре ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд, дар оғози чорабинӣ Сафири Фавқулода ва Мухтори Ҷумҳурии Тоҷикистон дар Ҷумҳурии Корея Шарифзода Юсуф Тоир ҳозиринро шодбош гуфта, роҷеъ ба аҳаммияти сарнавиштсози Истиқлолият дар ташаккули давлатдории навини тоҷикон ва дастовардҳои ободиву рушди ин даврон таъкид намуд.
Дар чорабинӣ, ки бо иштироки намояндагони Вазорати корҳои хориҷии Ҷумҳурии Корея, Ҷамъияти дўстии Ҷумҳурии Корея ва Осиёи Марказӣ, доираҳои бозаргонӣ, расонаҳои маҳаллӣ ва шаҳрвандону донишҷӯёни тоҷик баргузор шуд, аксҳои манзараҳои зебои Ватанамон, китобҳо дар бораи таъриху фарҳанг, намунаҳои асарҳои кулоливу заргарӣ, либосҳои миллӣ, асбобҳои мусиқии суннатӣ, мавод оид ба имкониятҳои сайёҳии кишварамон ба намоиш гузошта шуда, дастархони идона бо таомҳои миллӣ ороста шуд.
Имрӯз дар ноҳияҳои алоҳидаи кӯҳии Тоҷикистон борон меборад
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
