Тоҷикистон дар машқҳои «Рисолати сулҳ-2016» ширкат меварзад
Душанбе, 15.09.2016 /АМИТ «Ховар»/. Имрӯз дар Қирғизистон машқҳои муштараки низомии зиддитеррористии фармондиҳӣ- ситодии «Рисолати сулҳ -2016» оғоз меёбанд. Дар ин бора хадамоти матбуоти Ситоди генералии Қувваҳои Мусаллаҳи Ҷумҳурии Тоҷикистон иттилоъ медиҳад.
«Ҳоло гурӯҳи муттаҳидаи қувваҳои Созмони ҳамкории Шанхай, ки аз низомиёни Қувваҳои Мусаллаҳи Қирғизистон, Қазоқистон, Чин, Русия ва Тоҷикистон иборатанд, тақрибан ду ҳазор нафарро дар бар мегирад. Дар ихтиёри онҳо сесад адад техникаи ҳарбӣ қарор дорад ва аз ҳаво амали онҳоро 10 адад авиатсияи ҳарбӣ тақвият медиҳанд. То омадани ҳайатҳои низомӣ ҷониби Қирғизистон тамоми инфрасохтори шаҳраки низомиро омода кардааст»,- гуфта мешавад дар гузориш.
Марҳилаи фаъоли машқҳои «Рисолати сулҳ -2016» то 21 сентябр идома хоҳад кард.
Имрӯз дар ноҳияҳои алоҳидаи Тоҷикистон чангу ғубор ба амал меояд
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
