Варзишгарони тоҷик дар чемпионати ҷаҳон дар Эрон соҳиби панҷ медал гардиданд
Душанбе, 23.09.2016. /АМИТ«Ховар»/ Дар чемпионати ҷаҳон оид ба каратэ-до, ки дар пойтахти Эрон- шаҳри Теҳрон баргузор шуд, варзишгарони тоҷик панҷ медал- як тилло, як нуқра ва се биринҷӣ ба даст оварданд.
Дар сабқати бузургсолон Шероз Икромов дар вазни то 84 кило бо медали тилло, Сафаралӣ Давлатов дар вазни то 67 кило бо медали нуқра ва Бадриддин Умедов дар вазни беш аз 84 кило бо медали биринҷӣ сарфароз гаштанд.
Хотиррасон менамоем, ки дар сабқати наврасони 16-17-сола Мурод Назаров дар вазни то 55 кило ва Ҳоҷиқурбон Маҳмадов дар вазни то 52 кило бо медалҳои биринҷӣ мукофотонида шуданд.
Дар ин бора ба хабарнигорон Муҳаммад Бодаков, сармураббии дастаи мунтахаби каратэ-дои Тоҷикистон 22 сентябр хабар дод. Ба гуфтаи ӯ, дар ин мусобиқот беш аз 400 варзишгар аз 30 кишвари ҷаҳон ширкат доштанд. Ёдовар мешавем, ки аз риштаи каратэ-до аввалин медалро ба Тоҷикистон соли 1994-ум дар Бозиҳои осиёӣ дар Ҷопон Исроил Исмоилов, ки феълан раиси Федератсияи каратэ-дои Тоҷикистон аст, оварда буд. Вай дар рақобатҳо дар вазни беш аз 75 кило бо нишони биринҷӣ сарфароз гашта, дар таърихи варзиши тоҷик саҳифаи наве боз кардааст. Ин нахустин медали варзишгарони тоҷик дар Бозиҳои осиёӣ ба шумор меравад.
Бояд зикр кард, ки варзишгарони тоҷик баъдан дар тӯли 22 сол дар чемпионатҳои ҷаҳон, Осиё ва мусобиқоти байналмилалӣ ба натиҷаҳои баланд ноил гаштанд.
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
