8 голи «Истиқлол» ба дарвозаи «Парвоз»-и Бобоҷон Ғафуров

Душанбе, 11.10.2016. /АМИТ«Ховар»/. Шоми дирӯз дар Варзишгоҳи марказии ҷумҳуриявӣ бозии даври 18-уми Чемпионати Тоҷикистон миёни ду дастаи Лигаи олӣ- «Истиқлол»-и Душанбе ва «Парвоз»-и Бобоҷон Ғафуров баргузор шуд. Аз дастаи «Истиқлол» ҳамлагар Манучеҳр Ҷалилов 5 голро вориди даврозаи меҳмонон намуд. Фатҳулло Фатҳуллоев дублро ба қайд гирифт. Як тӯби дигарро легионери африқоии дастаи «Истиқлол» Девид Мауто ба ҳадаф расонид. Бо ҳамин бозии серголу ҷолиб байни дастаҳои футболи «Истиқлол»-и Душанбе ва Парвози Бобоҷон Ғафуров бо ҳисоби 8 бар 2 ба манфиати дастаи «Истиқлол» анҷом пазируфт. Ин бурд мавқеи дастаи «Истиқлол»-ро дар ҷадвали умумии мусобиқа боз ҳам устувортар кард.
Ёдовар мешавем, ки дастаи футболи «Парвоз»-и Бобоҷон Ғафуров баъд аз 14 вохӯрӣ, ки ҳамагӣ як пирӯзӣ дорад, дар ҷадвали умумии Лигаи олӣ дар зинаи охирин қарор дорад.