Боздиди коршиноси корхонаи байналмилалии DevStat аз Агентии омори назди Президенти Ҷумҳурии Тоҷикистон

Душанбе, 08.10.2016 /АМИТ «Ховар»/. Тибқи шартномаи баимзорасида оид ба ҳамкории дуҷониба байни Агентии омори назди Президенти Ҷумҳурии Тоҷикистон ва Корхонаи муштарак (Консорсиум)-и «DevStat» айни замон ташрифи роҳбари гурӯҳ ва эксперти байналмилалӣ Петерри Баер ба Агентии омори назди Президенти Ҷумҳурии Тоҷикистон идома дорад, ки он то 27-уми октябр идома мекунад.
Мақсади ташрифи мазкур- мушоҳида ва омодасозии нақшаи ҷузъии баамалбарории шартнома аз 15-уми августи соли 2016 то 30-юми июни соли 2018 доир ба ҷузъҳои лоиҳа, самти иҷро, ташрифи коршиносон, омӯзиш ва нақшаи тақвимии корҳои минбаъда мебошад.
Бо ин мақсад вохӯрӣ бо роҳбарияти Агентии омори назди Президенти Ҷумҳурии Тоҷикистон, сардорони раёсатҳои соҳавӣ, намояндагони як қатор вазоратҳо, аз қабили рушди иқтисод ва савдо, илм ва маориф, энергетика ва захираҳои об, тандурустӣ ва ҳифзи иҷтимоии аҳолӣ ва ғайра сурат гирифт.
Шартнома оид ба «Ҳамкории дуҷониба» байни Агентии омори назди Президенти Ҷумҳурии Тоҷикистон ва Корхонаи муштараки «DevStat», ки «Serviciosde Consultoria EstadisticaS.Lis» (Испания), «UDA Consulting» (Туркия), «Open Data Watching» (ИМА), Мактаби олии иқтисодии Маскав (Русия), «CaiCo Consulting» (Тоҷикистон) ва Раёсати омори Литваро муттаҳид мекунад, баста шудааст.