Бозии рафиқонаи дастаҳои мунтахаби Тоҷикистону Фаластин мусовӣ анҷом ёфт
Душанбе, 06.10.2016. /АМИТ«Ховар»/. Шоми дирӯз дар Варзишгоҳи марказии шаҳри Душанбе бозии рафиқона байни дастаи мунтахаби футболи Тоҷикистон бо дастаи миллии Фаластин баргузор шуд. Ин бозии рафиқона бо ҳисоби мусовии 3:3 хотима ёфт. Хотиррасон менамоем, ки бозиро тақрибан 10 ҳазор нафар мухлисон тамошо карданд. Голҳои дастаи мунтахаби Тоҷикистонро дар бозии рафиқона Нуриддин Давронов, Давронҷон Эргашев ва Парвизҷон Умарбоев ба ҳадаф расониданд.
Ёдовар мешавем, ки ин дуюмин дидори дастаҳои мунтахаби футболи миллии Тоҷикистону Фаластин ба шумор меравад.
Бозии аввали дӯстона миёни ин дастаҳо 6 сентябри соли равон дар Варзишгоҳи байналмилалии «Дура»-и шаҳри Хеврони Фаластин низ бо ҳисоби мусовии 1:1 хотима ёфта буд. Голҳои ин вохӯриро Парвизҷон Умарбоев ва Карлос Салом ба ҳадаф расониданд. Натиҷаи мусовӣ ва ҳунарнамоии чашмраси футболбозони мо, ки ҳайати асосиашро ҷавонон ташкил медиҳанд, ба дилҳо умед мебахшад.
Ду бозии охир бо натиҷаи мусовӣ бо дастаҳои мунтахаби арабӣ- Сурия ва Фаластин, ки яке дар раддабандии ҷаҳонӣ дар зинаи 105 ва дигаре дар ҷои 115 қарор доранд, барои дастаи мунтахаби мо натиҷаи мусбат аст.
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
Дар вилояти Суғд ғолибони мусобиқаи вилоятӣ муайян гардиданд
Дастаи мунтахаби духтаронаи Тоҷикистон тими Амороти Муттаҳидаи Арабиро мағлуб намуд
Мусобиқаи байналмилалӣ оид ба камонварӣ ҷамъбаст гардид
Дастаи мунтахаби Тоҷикистон ба садгонаи беҳтаринҳои раддабандии ФИФА ворид шуд
Дастаи мунтахаби футзали Тоҷикистон бо дастаи яккачини Русия бозиҳои дӯстона анҷом медиҳад
Маросими гусели ҳайати дастаи мунтахаби паралимпии мамлакат ба Бозиҳои V Параосиёӣ баргузор гардид
Иштирокдорони Бозиҳои 20-уми Осиёӣ—2026-ро дар Фурудгоҳи байналмилалии Душанбе истиқбол гирифтанд
Дастаи мунтахаби Тоҷикистон дар бозии дӯстона бар тими миллии Чин пирӯз шуд
