Дар шаҳри Алмаатои Қазоқистон се нафар ифротгаро барои тарҳрезии амалҳои террористӣ боздошт шуданд

Душанбе, 12.10.2016 /АМИТ «Ховар»/. Дар шаҳри Алмаатои Қазоқистон се нафар аъзои гурӯҳи ифротгаро боздошт шуданд, ки амалҳои террористиро бар зидди мақомоти ҳифзи ҳуқуқ ва сохторҳои махсус ба нақша доштанд. Дар ин бора «Синхуа» итилоъ медиҳад.
Бино ба гузориши сомонаи расмии Кумитаи амнияти миллии Қазоқистон, боздошт рӯзи 10 октябр сурат гирифт ва ҷузъҳои таҷҳизоти таркандаи худсоз ва таҷҳизоти тарканда, маводи динӣ ва экстремистӣ, аз ҷумла даъватҳо барои содир кардани амалҳои террористӣ мусодира карда шуданд.
Бино ба иттилои КАМ, аз оғози соли равон дар Алмаато фаъолияти ҷинояткоронаи 29 нафар ашхоси моил ба ифротгароӣ ҷилавгирӣ шуд.