Дар вилояти Суғд сифати таҳсил мавриди таваҷҷуҳи соҳаи маориф қарор дорад

Душанбе, 22.10.2016 /АМИТ «Ховар»/. Дар Раёсати маорифи вилояти Суғд бо иштироки масъулони Хадамоти давлатии назорат дар соҳаи маорифи вилоят семинари дастурдиҳӣ дар мавзӯи «Омӯзиши таҷрибаи пешқадами гурӯҳҳои идоракунии сифати таҳсилот, ҳуҷҷатгузории бахшҳои Хадамот дар самти омода намудани ҳисоботи оморӣ» баргузор гардид.
Роҳат Мирзоев, мудири шуъбаи ҳамоҳангсозии кор бо раёсат ва шуъбаҳои маорифи вилоят ва шаҳру ноҳияҳо дар Вазорати маориф ва илми Ҷумҳурии Тоҷикистон зарурати ҷорӣ кардани маводи ягонаи санҷиширо дар мактабҳои миёнаи кишвар бо мисолҳои возеҳ фаҳмонида, афзуд, ки чунин тарзи санҷиши дониш воқеияти дониши талабаро муаяйн мекунад. Номбурда аз ҳозирин даъват ба амал овард, ки бо ҷалби устодони варзида дар ояндаи наздик чунин мавод таҳия карда шаванд.
Ҳамчунин омӯзгорони шаҳрҳои Истаравшан ва  Хуҷанд дар бораи нақши гурӯҳи идоракунии сифати таҳсилот дар баланд бардоштани сатҳу сифати донишандӯзии толибилмони муассисаҳои таълимӣ гузориш доданд.